Casa de Ganaders de Zaragoza

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

La Casa de Ganaders de Zaragoza u Confrairía de Sant Simón y Sant Chudas ye una estitución d'orichen medieval que s'establió pa esfensar los privilechios que los reis concedioron a los propietarios de bestiar, aplegando tamién corporativament a mairals y pastors. Dimpués de tallar las suyas atribucions dende lo sieglo XVIII y lo XIX, cambeó lo suyo nombre y figura churidica (chunta local, asociación, sendicato, cooperativa, que ye con lo que contina funcionando huei[1]).

Os pastors transhumants d'a Casa de Ganaders de Zaragoza feban una transhumancia ascendent (teneban residencia chunto a los pastos d'hibierno), y podeban ir ta o Sistema Iberico u ta os Pireneus entre a Val d'Ansó y a Val de Broto. Puyaban enta os Pireneus por a cabanyera reyal que sale d'o Puent de Piedra y contina por Zuera, pasando por o descansadero d'as "Coronas del Cascallo", on yera a suya famosa "forca del Cascallo". A Casa de Ganaders de Zaragoza feba concordias con a villa de Zuera y as suyas aldeyas Lecinyena y Sant Mateu de Galligo pa poder paixentar os suyos rabanyos en a partita de Las Vales.

Teneban actividat tamién en las cabanyeras pa los rabanyos d'ovellas que baixaban dende las vals pirenencas dica lo Sistema Iberico de la provincia de Teruel. Como una corporación previlechiata de l'Antigo Rechimen se pareix a la Mesta castellana, encara que ye mas antiga y ha durato mas. Tamién i heba una diferencia important entre la organización d'os ganaders de Castiella y Aragón: la Mesta se creyó como una estitución común a tot lo reino y en Aragón lo que i heba yera estitucions locals independients entre ellas y fuera d'o control reyal, muitas d'ellas ditas ligallos.[2]

A chunta anyal que teneban os miembros d'a Casa de Ganaders de Zaragoza se deciba "Ligallo" y se celebraba o dito "Lunes de Ligallo", que yera o lunes de Pascua de Resurrección, en a Ilesia d'o Portiello de Zaragoza. En ixa ilesia l'altar yera consagrato a Nuestra Señora del Ligallo.

Historia editar

En 1129 Alifonso I d'Aragón concedió a toz los ganaders que s'establisen en la recient reconquiesta Zaragoza lo dreito de "pastura universal", u siga, poder usar los pastos comunals de lo reino. Lo dreito de pastura universal formaba parte de lo Privilechio de los vente. Lo resultato estió la plegata a la ciudat de ganaders d'orichen altoaragonés, navarro e gascón que contribuyoron a la repoblación y a fer Zaragoza de mayoría cristiana.

Lo 18 de mayo de 1218 Chaime I nombró a Domingo de Montealteto chusticia de ganaders, reconoixendo-li la churisdicción criminal sobre toz los asuntos relacionatos con la ganadería, pero sin nombrar garra confrairía u ligallo de pastors. En 1229 Chaime atorga bels privilechios a la "Confrairía de Sant Simón e Sant Chudas", (en lo documento dicen vulgo clamada Casa de Ganaderos), tenendo maxima autoridat lo chusticia de Ganaders.

La Casa de Ganaders de Zaragoza teneba la suya forca en lo barrio de lo Cascallo, ta enforcar a qui dimpués d'un pleito con ista estitución yera condenato a pena de muerte.[3]

a la furca del Mercado, en do fue enforcado y aprés fue lebado el cadaber a la Forca del Cascallo, qu'es de los Ganaderos de Zaragoza en do quedó colgado

Referencias editar

  1. Sitio web de la estitución actual
  2. Gran Enciclopedia Aragonesa, con bibliografía mes ampla.
  3. Anabad-Aragón (.doc)

Bibliografía editar

Armando Serrano Martínez, La Casa de Ganaderos de Zaragoza. Naturaleza Aragonesa, 21. Julio-Diciembre 2008.