Articlo d'os 1000

Una canta u canción ye una composición y un chenero musical, con parti vocal, asobén acompanyata con un u mas instrumentos musicals. Por un regular, as cantas tienen una durada curta, y a parti vocal gosa cantar un texto de tipo poetico. Tienen a ormino un caracter mas popular que atros cheneros musicals, encara que bells tipos han trespasato a esfera d'a musica popular y a tradicional y fan parti d'a musica clasica.

"Dona nobis pacem", canta d'o sieglo XVII en latín.

Entre os tipos especials de cantas se troban por eixemplo os himnos, muitos d'ells cantas nacionals d'un país u d'atro grupo de personas (equipes esportivos, interpresas...) u as cantas de cuna que les cantan a os ninos t'adormir-se

En a musica popular actual, a estructura tipica d'una canta prencipia con una introducción, dimpués contina con una alternancia entre estrofas y estrebiello (o estrebiello ye a parti que se repite y que ye o que asobén identifica a canta), l'antiestrebiello (o estrebiello con una variación, por eixemplo a un ritmo mas lento), y o clímax final.

Se veiga tamiénEditar