Cambridge (Nueva Zelanda)

Cambridge (maorí Kemureti) ye una localidat d'o districto de Waipa en a rechión de Waikato d'a Isla d'o Norte de Nueva Zelanda. Situada a 24 kilometros a o sudeste de Hamilton, a cantos d'o río Waikato, Cambridge ye conoixida como "A ciudat d'árbols y campions" (en anglés "The Town of Trees & Champions"). A ciudat tien una población de 19.600 habitants, lo que la fa a mayor localidat d'o districto de Waipa y a tercera aria urbana en Waikato (dimpués de Hamilton y Taupo).

Cambridge
Kemureti
Localidat de Nueva Zelanda
Cambridge town hall.jpg
Casa d'a villa de Cambridge
Estau
 • Rechión
 • Districto
Flag of New Zealand.svg Nueva Zelanda
Waikato
Waipa
Población
 • Total

18651 hab. (2018)
Altaria
 • Meyana

67 m.
Codigo postal 3434–3496
Coordenadas
Cambridge ubicada en Nueva Zelanda
Cambridge
Cambridge
Cambridge en Nueva Zelanda
Web oficial

HistoriaEditar

 
Memorials de guerra de Hamilton, Puketaha y Cambridge

Antis de l'arribada d'os europeus bi heba un pa maorí en os arredols d'o que dimpués sería Cambridge.[1] En a decada de 1850 misioners y granchers procedents de Gran Bretanya s'instaloron en a zona, ficando-ie as modernas practicas d'agricultura y ganadería y espardindo-las entre a población local maorí, construyindo dos molins de farina y trayindo maquinaria dende Anglaterra y Francia. En ixa decada bi habió una buena cullida de cerial, encara que malas que os comerciants d'Auckland prencipioron a mercar grano mas barato procedent d'Australia, dito mercau prencipió o suyo declive

L'asentamiento europeu de Cambridge fue establiu quan o 3er Rechimiento d'a Milicia de Waikato plegó astí en 1864 dimpués d'a invasión de Waikato. A localidat fue nombrada en honor a o Prencipe Chorche, duque de Cambridge, comandante en chefe d'o eixercito britanico por ixas envueltas.[2]

ReferenciasEditar

Vinclos externosEditar