Calculo

Ta o calculo infinitesimal se veiga l'analís matematica.

O calculo (d'o latín calculum, "piedra" con sufixo diminutivo -ulum) ye un termin que fa referencia a l'acción u o resultato correspondient de l'acción de calcular. Calcular, por a suya parti, pende en realizar as operacions necesarias ta trobar o resultato d'una acción ya conoixita, u conoixer as conseqüencias que se pueden derivar d'unos datos conoixitos.

Os abacos yeran os primers instrumentos con los que se feban calculos.

Manimenos, l'uso más común d'o termin calculo ye o lochico-matematico. Dende ista prespectiva, o calculo ye o procedimiento mecanico, u algorismo, por meyo d'o qualo podemos conoixer as conseqüencias que se derivan d'unos datos conoixitos anteriorment.