Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O caixero (u caixera si ye muller) en un establimiento comercial ye una persona responsable de sumar a cantidat debida por una crompa, cargar a o consumidor ixa cantidat y dimpués, recullir o pago por as mercaderías u servicios proporcionaus.

Caixera d'un supermercau

Atras funcions que reyalizan os caixers son as d'entregar cupons comercials u escambiar os que reciben por regalos u descuentos, remeter mercadería en as estanterías y etiquetar-las, mas que mas, en os momentos de menor treballo, asegurar-se d'os pres de cualques mercaderías en rebaixa u promoción y fer o recuento de caixa en rematar o suyo turno.[1]

D'una forma u atra, os caixers han existiu mientres mils d'anyos. En l'actualidat, o termin caixera sirve pa designar cuasi exclusivament a las emplegadas d'establimientos d'autoservicio, mas que mas, d'alimentación (supermercaus y hipermercaus). En atra mena de comercios, son por lo cheneral, os propios dependients os que fan ista función.

Os cajeros corren o risque de lesions repetidas de tensión debiu a os movimientos constantement repetius que amenistan pa fer o treballo, tal como información que fican sobre un teclau numerico u pasar o codigo de barras d'os productos sobre o escáner.

Un significau menos actual d'o termin se refería a o emplegau d'un negocio responsable de recibir y desembolsar os diners. En un negocio diferent a la venda a o por menor, ista yera una posición de responsabilidat significativa. Con una proporción siempre en augmento de transaccions realizadas emplegando substitutivos d'os diners en efectivo (tals como cheques, tarchetas de credito, tarchetas de debito, etc.), a cantidat d'efectivo manullada por tals emplegaus ye cada vegada menor.

Solucions alternativas a o caixero editar

 
Caixa d'autoservicio

As cadenas d'establimientos minoristas son desembolicando metodolochías pa reducir o treballo de caixera, una actividat repetitiva y cansa que da poca valura adhibida a o negocio. En bels establimientos d'Alcampo, por eixemplo, s'ha ficau a crompa sin caixera. Se tracta d'a instalación de caixas d'autoservicio en as que o consumidor puet escanear os suyos productos, embolicar-los y pagar-los tanto a traviés de tarcheta como en efectivo.[2]

Atras cadenas -como Wal-Mart- son empentando o desembolique d'as etiquetas de radiofrecuencia (RFID) que se ficarán en os envases d'os productos y cual información se leyerá pasando o carro baixo una antena y sin que s'ameniste a intervención de garra persona.[3]

Referencias editar