Café

O café (d'o turco < kahvé) ye una bebida que s'obtiene por infusión a partir d'os fruitos y simients d'a planta d'o café (Coffea), que contiene una substancia estimulant dita cafeína. Tamién se conoixe a vegatas como café u cafetería o puesto a on que se bebe café.

Granos de café de Colombia tostaus.

Un café exprés.

Con a simient turrada y molida se fa la infusión conoixida por o mesmo nombre. En Costa Rica, Espanya, Portugal y Río de la Plata a ormino se consume o café torrau u torrefacto (tostau con zucre). Gosa tomar-se como desayuno u en dimpués de minchar, y ye una d'as bebidas sin d'alcol mas socializadoras en muitos países. Existen cuasi tantas formas de preparar ista bebida como consumidors, pero a mas popular, amás de tomar-lo solo, ye a que leba leit, encara que tamién se'n gosa anyader-ie crema u nata, leit condensada, chicolate u bel licor. Se sirve a sobén calient, pero tamién se puet tomar fredo u con chelo.

O cautivo d'o café ye prou estendillau por muitos países tropicals, especialment en Brasil, a on que se troba poco mas d'un tercio d'a producción mundial. O café ye un d'os prencipals productos d'orichen agricola comercializaus en os mercaus internacionals, y a sobén suposa una gran contribución a las exportacions d'as rechions productoras. Se producioron un total de 6,7 millons de toneladas de café anyalment entre os anyos 1998 y 2000, asperando-se ta par d'alavez una puyada d'a cifra ta 7 millons de toneladas anyals en 2010.

Se veiga también

• Mate
• Té

Vinclos externos

• Se veigan as imáchens de Commons sobre o café.
• (en) Coffee Research Institute
• Preu historico d'o café seguntes o FMI.

• Datos: Q8486
• Multimedia: Coffee / Q8486