Bandera d'o Consello d'Aragón

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Bandera d'o Consello d'Aragón Uso ... Proporción 2:3 Adopción 1936 — 1937 Colors    Amariello    Royo    Negro    Morato

Bandera d'o Consello d'Aragón Reverso Uso ... Proporción 2:3 Adopción 1936 — 1937 Colors    Royo    Amariello    Morato

A bandera d'o Consello d'Aragón estió a bandera oficial d'o Consello Rechional d'Esfensa d'Aragón entre os anyos 1936 y 1937.

A bandera d'o Consello d'Aragón ye rectangular. En l'anverso tien tres faixas horizontals de color negro alto, roya en o meyo y morato abaixo, representando a las colors d'as fuerzas antifaixistas presents en o consello que son respectivament a CNT, a UGT y o PCE y o Frent Popular. En l'asta bi ha un trianglo equilatero amariello con cuatre barras verticals royas representando as tradicionals colors d'Aragón. Dencima se troba o escudo d'o Consello. En o reverso se troban tres franchas con as colors d'a Republica Espanyola, royo, amariello y morato

En l'actualidat nomás se conoixe un eixemplar d'ista bandera, un chicot banderín d'auto, probablement perteneixient a l'auto d'o President d'o Consello Joaquín Ascaso. O banderín fue trobato por o coleccionista catalán Rubén Martínez, 75 anyos dimpués de que presumiblement un soldato faixista la furtase en a presa de Casp como indica a inscripción manuscrita que diz "cojida en Caspe el 17-3-1938"

A bandera se presentó en a ciudat de Casp, antiga capital d'o Consello, o día 19 de noviembre de 2011, dica alavez nomás se teneban evidencias de l'aspecto d'ista bandera por as descripcions que se feban en o boletín oficial d'o Consello d'Aragón.