Bactria
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Bactria, Bactriana u Bactris (Bāxtriš) estió una satrapia de l'Imperio Persa Aquemenida y dimpués de l'imperio Seleucida que teneba por capital Bactra, que corresponde a la moderna Balkh.
O suyo territorio yera prou gran y teneba a lo norte a Sogdiana y o riu Oxus con as montanyas de Paropamisos u Hindu Kush; a l'ueste teneba a Margiana; a lo sud Gandhara, y a l'este as tierras d'o norte de l'Indus. Se creye que incluiba o Kunduz y Badakshan (a lo suyo norte i yeran as tribus sakas) y bellas tierras pobladas por indios a l'este.
O suyo nombre pareix que deriva d'o riu Bactrus con a ciutat de Bactra (a capital), en a suya ribera.
As ciudaz principals yeran Bactra, Ortospana, Zariaspa (de vegadas asimilada a l'anterior) y Dargamanis (Orgamenes). Eucratídia fue construita por o rei Eucratides; Menàpia, Drespa u Drapsaca (probablement l'actual Anderab) y Aleixandria, fundada por Aleixandre a man de l'actual Khulm. Una ciudat de nombre Aornos, de cierta importancia seguntes menciona Arrián, no ha puesto estar identificada.
Como estato independient dende meyatos d'o sieglo III aC fue dividita en distritros menors ditos satrapías. Os partos en ocuporon dos, (Aspiònia y Turiva/Tagouria) en ixas envueltas d'o rei Eucratides.
Claudio Ptolomeu y Plinio dan o nombre de bellas tribus como os khomaris (kumara), una tribu rajput dita rajkumars (que encara existe), tokharis (thakurs), varnis (varna), tapyris y d'atras.
A satrapia de Bactria yera una d'as grans satrapias de l'Imperio Aquemenida. Os suyos satrapas yeran cheneralment principes aquemenidas u miembros d'a nobleza. A gran satrapía yera formada por siet satrapías, pero tres d'ellas yeran territorios de nomadas como os masachetas:
- Bactria u Bactriana (Bāxtriš)
- Sogdia o Sogdiana (Suguda)
- Gandhāra (Gandāra)
- Aria u Ariana (Haraiva)
- País d'os Dahes o Dahā (Sakā paradraya)
- País d'os Masachetas (Sakā tigraxaudā)
- País d'os Amirgians (Sakā haumavargā)
Arredol a satrapía de Bactriana yera integrada por dos satrapías menors
- Bactriana (Bāxtriš)
- Margiana (Marguš)
Se sabe que Margiana dependeba de Bactriana porque o satrapa suyo, Dādaršiš, fue encargato de suprimir a revuelta de Frada a Margiana, feito que se feba con o satrapa inmediato superior cuan hi heba una revuelta a una d'as satrapías menors.
A satrapia menor de Bactriana mugaba a lo sud con Gandara u Gandhara, estando a muga o Hindu Kush; a lo norte l'Oxus u Amu Darya que feba de muga con Sogdiana; a lo sud-uest con Aria y a l'ueste con Margiana; teneba a l'este a satrapía de Dirbenia.
En o "Libro d'el Trasoro" mencionan a Bactria como Bantia y en o "Libro d'as Marabillas d'o Mundo" como Batria.