Archidiacono

(Reendrezau dende Arciagne)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

L'archidiacono[1] yera lo diacono principal d'una Seu. La etimolochía d'archidiacono s'explica a partir de lo griego άρχι lo primero y διάκονος servidor, ministro, pasando a lo latín ARCHIDIACONUS.

L'archidiacono yera teoricament lo primer de los diaconos, en l'orden hierarquico ocupaba lo estamiento chusto baixo lo bispe, dreitament a las suyas órdens, en l'administración de la diocesi, por ixo yera debant lo capítol como cabo de los auxiliars d'este.

Huei estos debers los asignan a un vicario cheneral, figura que fue substituyindo a l'archidiacono de traza progresiva a partir de lo sieglo XVI.

En la Comunión Anglicana se sigue mantenendo la nomenclatura de arcediagne pa los auxiliars de lo bispe (archdeacon).

Archidiaconos en diocesis aragonesas editar

Yera a l'archidiacono a qui competeba la presentación de los ordinandos a lo bispe y qui teneba churisdicción y dreito de visita sobre lo clero de la demarcación eclesiastica dita arcedianato; por esta razón gosaban estar-ne uns cuantos los de cada capítol de seu: en Uesca, los de Sobrarbe, Sarrablo, Las Valles y Santa Engracia de Zaragoza (enantes clamato prior de Santas Masas); en Chaca, los de Laurés, Ansó y Guarga; en Zaragoza, los de Zaragoza, Daroca, Belchit y Teruel; en Tarazona, los de Tarazona y Calatayú; y en Roda, los de Benás y Ribagorza; en Albarracín no i heba que un archidiacono. En Uesca y Chaca l'archidiacono de la Cambra teneba churisdicción sobre un territorio común a las dos seus, l'archidiaconato de la Cambra, que con las suyas rendas proveyeba las necesidaz de vestuario de los canonches de las dos. Esta mesma función competeba a lo cambrero (CAMERARIUS en latín) de Zaragoza, Roda y Tarazona.

Referencias editar