Abrir menú principal

Anglicismos en castellán

Os anglicismos en castellán son caracters lingüisticos de diferents clases orichinaus en l'anglés y que s'han cheneralizau en qualques rechistros u variants d'o castellán u en tot o castellán, plegando mesmo a substituir elementos chenuínos castellans. Por estar distribuito o castellán en dos arias cheograficas despartidas por l'Atlantico, os anglicismos d'o castellán presentan circunstancias diferents en America y en Espanya.

Anglicismos en castellán peninsularEditar

A influencia de l'anglés en Europa encomenzó a prener fuerza en os sieglos XVIII y XIX primero por as obras d'escritors y filosofos britanicos. Ta part d'alavez l'anglés prenió prestichio social a libel europeu[1].

En lo sieglo XVIII se puede trobar en castellán uns pocos anglicismos como bill, coac / coak ("coque"), malt, stock, ponche y esplín.[2]

En tiempos d'o romanticismo os escritos espanyols yeran familiarizaus con anglicismos como dandy, tílbury, club, rosbif y bistec / bisté. Beluns d'os primers anglicismos arriboron en o castellán a traviés d'o francés[1], de feito muitos d'os anglicismos en francés ni recients ni ligaus a lo comercio maritimo s'encomenzoron a introducir en un periodo d'anglomanía d'o sieglo XVIII.[3] Son anglicismos tipicos de lo sieglo XIX bol, tanque, túnel, meeting / mitin, leader, cheque y snob / esnob.[2]

Dende os tiempos d'a postguerra d'a Guerra Civil Espanyola y d'a Segunda Guerra Mundial creixió a influencia d'a cultura anglosaxona por o predominio politico d'Estaus Unius, que se manifestaba en o plano economico, cultural y tecnolochico.

Han iu entrando a zaguers de lo sieglo XIX y en diferents decenios d'o sieglo XX, antes o dimpués d'as dos postguerras y dreitament u a traviés d'o francés palabras de diferents campos lexicos. Bi ha anglicismos que son palabras relacionadas con as comunicacions como vagón, tranvía, túnel, turista, yate, bote y confort. Tamién han iu entrando en diferents decadas palabras relacionadas con a politica y o periodismo como mitin, líder, reportero y con o esporte como fútbol, tenis, golf y a palabra sport permitió a recuperación d'o medievalismo castellán deporte.

En o zaguer tercio d'o sieglo XX o doblache d'as series y peliculas americanas a lo castellán se feba por un tiempo en Miami, Puerto Rico y Nueva York con puerto-riquenyos a qui feban parlar un castellán sin de caracters particulars d'os diferents países pero que manimenos presentaba muitos anglicismos, a vegadas curiosas traduccions literals d'expresions anglesas. Estió en ixas decadas de doblaches televisivos y cinematograficos quan se cheneralizoron uns pocos chiros d'o castellán d'America que incluyiban posibles anglicismos (posar al respecto a la fin d'una oración puet estar una traza de traducir about)[4].

Campos semanticosEditar

ComunicacionsEditar

Politica y periodismoEditar

EsporteEditar

Anglicismos semanticosEditar

En castellán actual s'ixemenan anglicismos semanticos, que consisten en traducir con una palabra natural en castellán significaus que tienen palabras anglesas equivalents en orichen u en significau principal. L'orichen d'estos anglicismos semanticos son traductors profesionals u chent familiarizada con l'anglés que ha de comunicar una terminolochia especializada d'uso internacional. Muitos d'os anglicismos semanticos son sobre tot periodisticos y deportivos.

  • Ambiente traduce o significau de environment[4], sobre tot en a locución medio ambiente (adaptau tamién "medio ambient" en aragonés, contrastando con l'occitán y francés environament y environnement feitas dende un verbo que existiba en aragonés medieval).
  • Cadena (palabra que tamién existe en aragonés) traduce chain pa indicar as botigas d'una mesma marca[4].
  • Canal (palabra que tamién existe en aragonés) traduce channel pa indicar diferents emisions de televisión[4].
  • Estrella u astro traducen l'anglés star referiu a chent famosa que triunfa en cine u esporte[4].
  • Ola y oleada traducen wave[4] en diferents sentius a onda marina y ondada.
  • Relámpago (palabra relacionada con l'aragonés "lampit" y "eslampar") traduce flash pa indicar rapedo[4] como en "inundaciones relámpago", que traduce o tecnicismo flash flood ("barrancada", "garonada", ecetra).
  • Vivo (palabra que existe en aragonés) traduce live en relación a la transmisión en directo[4].

Orichens de los anglicismosEditar

Anglicismos transmesos por lo francésEditar

Ta más detalles, veyer l'articlo Anglicismos en francésveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Bi ha autors que consideran que dica a postguerra quasi totz os anglicismos plegaban a traviés de Francia.[4]

A vegadas la plegada d'una palabra s'ha produeito a traviés d'espanyols que l'han conoixida tanto dreitament dende l'anglés como indreitament dende lo francés:

  • Club: a zaguers de lo sieglo XVIII se documenta clu describindo un contexto francés y en lo sieglo XIX se documenta club describindo un contexto anglés.[2]
  • Ron: la palabra ye orichiariament anglesa pero pasó a lo francés como rhum. En lo sieglo XVIII se puede veyer en castellán escrito tanto rum como ron.[2]

Galicismos transmesos por l'anglésEditar

Ta más detalles, veyer l'articlo Galicismos en anglésveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Las luengas d'oïl y lo francés han teniu una contribución esencial en lo lexico anglés. En l'Anglaterra medieval se charró l'anglo-normando, un luengache con base normanda pero con components d'atras luengas d'oïl y muestras de cambios evolutivos que se produciban en ixe diasistema. Ye por esta razón que muitos anglicismos que han plegau a todas las luengas occidentals son palabras d'etimolochía galorromanica encara que no siempre amuestren las leis foneticas de lo francés.

  • Túnel: ye l'adaptación de l'anglés tunnel, que tiene un orichen antigo en las luengas d'oil (tonnelle).

Neerlandismos transmesos por l'anglésEditar

Ta más detalles, veyer l'articlo Neerlandismos en anglésveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Son anglicismos d'orichen neerlandés:

ReferenciasEditar

  1. 1,0 1,1 (es) Rafael Lapesa: Historia de la lengua española Editorial Gredos, 2001, p 456-459
  2. 2,0 2,1 2,2 2,3 2,4 2,5 2,6 2,7 (es) Rafael Cano Aguilar: Historia de la lengua española. Ariel lingüística. Editorial Ariel. pp 1054-1055.
  3. (es) Carlo Tagliavini: Origenes de las lenguas neolatinas. Fondo de Cultura Economica. 1973, pp 404-416.
  4. 4,0 4,1 4,2 4,3 4,4 4,5 4,6 4,7 4,8 (es) Chris Pratt: El anglicismo en el español peninsular contemporáneo. Editorial Gredos, 1980. p 56, p 172.
  5. (es) Francisco Sánchez Romero: La influencia de los terminos neerlandeses en la lengua española. Publicau en Transferencias culturales, literarias y lingüísticas en el ámbito de la Unión Europea. Universidat de Sevilla, 2006.

BibliografíaEditar


Los anglicismos en aragonés y atras luengas
Los anglicismos en galaico-portugués | los anglicismos en astur-leyonés | los anglicismos en castellán | los anglicismos en aragonés | los anglicismos en catalán | los anglicismos en occitán | los anglicismos en italián | los anglicismos en francés | los anglicismos en rumán | los anglicismos en alemán | los anglicismos en neerlandés | los anglicismos en noruego | los anglicismos en danés | los anglicismos en sueco | los anglicismos en polaco | los anglicismos en checo | los anglicismos en esloveno | los anglicismos en serbo-crovate


Gramatica d'o castellán
Fonetica Accentuación · Elisión · Fonetica · Fonolochía · Cambio fonético «f → h» · H aspirada
Morfolochía Adverbios · Articlos definius · Articlos indefinius · Chenero · Conchuncions · Determinants · Numerals · Numero · Pronombres (Pronombre presonal) · Prefixos · Sufixos · Preposicions · Verbos (Construccions verbo-nominals · Locucions verbals) Conchugación verbal (Primera conchugación · Segunda conchugación en castellán · Tercera conchugación en castellán · Conchugación incoativa de verbos acabaus en -cer · Verbos irregulars · Modo indicativo · Modo subchuntivo · Moro imperativo · Tiempos verbals · Verbo estar · Verbo ser · Verbo haber)
Sintaxi Concordancia · Estilo directo · Estilo indirecto · Negación · Sintagma adchectival · Sintagma nominal · Sintagma verbal · Orden de pronombres · Voz pasiva · Oracions de relativo · Oracions completivas · Oracions temporals · Oracions causals · Oracions finals · Oracions consecutivas · Oracions concesivas · Oracions condicionals · Oracions comparativas · Oracions impersonals
Lexicolochía Adchetivación · Americanismos · Anglicismos · Arabismos · Aragonesismos · Catalanismos · Celtismos · Cultismos · Chermanismos · Eslavismos · Fitonimia · Galicismos · Goticismos · Helenismos · Hidronimia · Italianismos · Leyonesismos · Lusismos y galleguismos · Mozarabismos · Neerlandismos · Nominalización · Occitanismos · Oronimia · Persismos · Semicultismos · Tudesquismos · Turquismos · Vasquismos · Zoonimia en castellán
Ortografía Normas ortograficas d'o castellán