Republica Democratica Alemana

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

A Republica Democratica Alemana (RDA u DDR, de l'alemán Deutsche Demokratische Republik) estió un estato organizato politicament como una republica socialista d'Europa Central que s'establió en o territorio alemán ocupato por a Unión Sovietica a la fin d'a Segunda Guerra Mundial y existió entre 1949 y 1990, quan os Länder que la formaban s'unificoron con los d'a Republica Federal Alemana (RFA) ta formar una sola Alemanya.

Republica Democratica Alemana Deutsche Demokratische Republik
← 1949 — 1990 →
Capital	Berlín¹
Idioma oficial	Alemán
Gubierno	Estato socialista
Periodo historico	Guerra Fría
• Formación	7 d'octubre de 1949
• Reunificación	3 d'octubre de 1990
Superficie  • 1990	108 333 km²
Población • 1990 est.      Densidat	16111000 hab. 148,7 hab/km²
Moneda	Marco d'a RDA
Miembro de: ONU, Pacto de Varsovia, CAME, OSCE
¹ Berlín Este

Ta esferenciar-la de l'Alemanya capitalista (Alemanya Occidental), a sobén se deciba Alemanya Oriental u de l'Este. Tamién s'emplegó a denominación Alemanya Democratica ta esferenciar-la de l'Alemanya Federal, a RFA.

Historia

Ta más detalles, veyer l'articlo Historia d'a Republica Democratica Alemanaveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Dimpués d'a Segunda Guerra Mundial se dividió o territorio alemán en quatre zonas baixo control d'as tropas d'os Aliatos. A Republica Democratica Alemana s'establió o 7 d'octubre de 1949 en a zona d'Alemanya baixo control sovietico, con Wilhelm Pieck como primer president. A Unión Sovietica estió o primer Estato en reconoixer a la nueva RDA y en prencipiar relacions diplomaticas. Ixe mesmo anyo atros estatos socialistas feban o mesmo: Albania, Bulgaria, Checoslovaquia, a Republica Popular China, Corea d'o Norte, Rumanía, Polonia y Hongría. A Republica Federal d'Alemanya, establita tamién en l'anyo 1949, se negó a reconoixer a la RDA.

Conmemoración d'o XL cabo d'anyo d'a Republica Democratica Alemana

En primerías, a Unión Sovietica no proposó que a RDA fuese un Estato socialista, deixando ubierto o camín enta una posible reunificación d'Alemanya adintro d'o marco d'a Guerra Freda. Manimenos, l'actitut d'os sovieticos cambeó a escape quan en l'anyo 1952 as potencias d'a OTAN y o gubierno d'a RFA, alavez en mans de Konrad Adenauer, refusó a dita Nota de Stalin —en a nota bi heba una propuesta sovietica sobre a reunificación alemana y a retirata d'as superpotencias d'os afers d'a politica interna alemana—. Dende l'inte s'aceleró a colectivización de l'agricultura y a nacionalización d'interpresas, asinas como a desaparición d'os estatos d'a RDA, que fuoron reemplazatos por districtos.

O 17 de chunio de 1953 Berlín Oriental estió scenario d'una serie de manifestacions en contra de l'augmento d'es quotas de producción; as manifestacions no tardoron en expandir-se a atras ciudatz d'o país y convertir-se tamién en una ubierta critica a la politica gubernamental d'o gubernant Partiu Socialista Unificau. As protestas fuoron sofocatas por as unidatz de l'Exercito Royo que remaniban en territorio alemán, y prevocaron decenas de victimas mortals, encara hue en día a zifra ye obchecto de descusión entre os historiadors.

A unificació estió posible gracias a os cambeos politicos en os diversos estatos d'o Bloque de l'Este, en especial por as reformas feitas por o mandatario sovietico Mihaíl Gorbachov. A obertura d'a muga d'Austria con Hongría, que permitiba o libre paso de ciudadans a traviés d'o dito Telón d'acero, fue considerata determinant. Helmut Kohl, dimpués d'o suyo trunfo en as esleccions d'a cancilleria d'a RFA en l'anyo 1989, s'embarcó en o proceso d'aconseguir a unificación alemana, a quala se concretó simbolicament con a cayita d'o muro de Berlín o dia 9 de noviembre de 1989 y quedó oficializata quasi un anyo dimpués en a unificación d'os dos estatos, a RFA y a RDA en un, a Republica d'Alemanya.

Gubierno y politica

Ta más detalles, veyer l'articlo Gubierno y politica d'a Republica Democratica Alemanaveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

División administrativa d'a RDA

A RDA fue gubernata entre os anyos 1949 y 1989 por o Partiu Socialista Unificau d'Alemanya (en alemán Sozialistische Einheitspartei Deutschlands). O SED estió producto d'a unificación d'o Partiu Comunista d'Alemanya (KPD) y o Partiu Socialdemocrata d'Alemanya (SPD) d'a zona oriental controlata por a URSS. Nominalment, o SED, chunto con a suya organización chovenil (a FDJ), os sendicatos (FDGB) y atros chicotz partius politics, formaban o Frent Nacional d'Alemanya Democratica.

O SED yera en a practica o partiu unico d'a RDA y monopolizaba o poder. Gosó tener 2,8 millons de militants. O secretario cheneral d'o suyo Comité Central yera o dirichent mas poderoso d'o Estato. Os suyos secretarios chenerals mientres a existencia d'a RDA estioron Wilhelm Pieck (1946-1950), Walter Ulbricht (1950-1971), Erich Honecker (1971-1989) y Egon Krenz (finals de 1989).

Como a resta de Partius comunistas d'os estatos integratos aintro d'o Bloque de l'Este, os suyos organos dirichents yeran o Congreso, o Comité Central y o Politburó. Dimpués d'a cayita d'o muro de Berlín y a desaparición d'a RDA o SED se refundó en o Partiu d'o Socialismo Democratico d'Alemanya (Partei des Demokratischen Sozialismus, PDS), que actualment tien alto u baixo un 25% d'os votos de meyana en os Estatos de l'antiga Alemanya oriental.

Respective a o Estato, l'organ executivo consultivo yera o Consello d'Estato y o de gubierno o Consello de Menistros, mientres o poder lechislativo lo teneba la Cambra d'o Pueblo (en alemán Volkskammer). Totz istos organos de poder yeran supeditatos a o control politico que exerceba a dirección d'o SED.

Se veiga tamién

• Alemanya Occidental.
• Alemanya.