Alcanyicello

(Reendrezau dende Alcanyiz de la Uerba)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Alcanyicello (Alcañicejo en castellano) ye un lugar despoblau de l'actual termin municipal de Tosos, en lo Campo de Carinyena y en la provincia de Zaragoza.

Alcanyicello
Despoblau d'Aragón
Entidat
 • País
 • Provincia
 • Comarca
 • Municipio
Despoblau
 Aragón
 Zaragoza
Campo de Carinyena
Tosos
Partiu chudicial Zaragoza
Población
 • Total

0 hab.
Parroquial
 • Archidiocesi
 • Arcipestrau

Zaragoza
Carinyena-Muel
Río Uerba
Coordenadas
Alcanyicello ubicada en Aragón
Alcanyicello
Alcanyicello
Alcanyicello en Aragón

Toponimia editar

En textos medievals lo podemos veyer escrito sin diminutivo como Alcanyiç, con diminutivo -ello u la suya variant -echo (Alcannicello, Alcanicillo[1], Alcanyicello, Alcanyicejo), con diminutivo -iello (Alcaniciello[2], Alcanyziello[3]), u con diminutivo -uelo (Alcanyiçuelo). Tamién se vei en textos medievals l'apelativo de la Uerba (Alcanniz de la Huerba[4]). La forma con sufixo -ello ye una forma que corresponde a la fonetica aragonesa y que se castellanizó dando l'actual toponimo Alcañicejo.

Historia editar

En la Edat Meya bi habió un castiello que controlaba estratechicament lo paso por La Uerba.[5] En fuents musulmanas andaluzas ya mencionan Al Kanisa en l'anyo 878 como un puesto de paso a on bi habió una batalla mientres una expedición contra Saraqusta. Tamién ye mencionau probablement en lo Poema de Mio Cid:

tierras d'Alcañiz negras las va parando e a derredor todo lo va preando.

Alcanyicello fue reconquiesto en ixas envuentas d'Alifonso I lo Batallero, qui en aviento de l'anyo 1124 lo donó a los chirmans Fruela y Pelayo[6] pero retenendo pa ell una tercera part.

et in super dono uobis alio castello, qui dicitur Alkanic quod habeatis de illum illas IIs partes / per uestra hereditate et illa tercia parte, quod teneatis illam per honorem pro me.

Manimenos este lugar y castiello cambió de mans en muitas ocasions. Lo 20 d'agosto de 1348 lo compró la Comunidat de Daroca, pero pasó a mans de Ximeno de Bailo lo 12 d'octubre de 1364 por cesión de Pero lo Cerimonioso. Los zaguers dreitos reyals que i teneba lo rei fuoron vendius a Chuan Ferrández d'Heredia lo 12 de febrero de 1371. En 1372 lo rei remató cedendo este lugar y castiello a Gonzalo González de Lucio.

Referencias editar

  1. José Rius Serra:Rationes decimarum Hispaniae (1279-80): Aragón y Navarra. CSIF 1946.
  2. (es) Tomás Domingo Pérez, Maria Rosa Gutiérrez Iglesias. La gracia del quinto diezmero concedida en el año 1409 a la fábrica de La Sero por Benedicto XIII y su primera ejecucion en 1412. Aragón en la Edad Media Nº 14-15, 1, 1999.
  3. (an) Actas d'el proceso de Corz de Maella (1404)
  4. (an) Actas d'el proceso de Corz de Teruel (1428)
  5. (es) Eduardo Viñuales Cobos: Red Natural de Aragón. Campo de Cariñena nº 25, 2008
  6. (es) Luís Rubio, Los documentos del Pilar. Archivo de Filología Aragonesa. XVI-XVII. 1965-1966.

Bibliografía editar


Lugars de lo municipio de Tosos
Poblaus: Tosos
Despoblaus: Alcanyicello | Cabezo Blanco | Portolés | Santa Barbara | Las Torcas