Abrir menú principal
Iste articlo ye sobre una ciudat estatounitense capital d'o estato de Nueva York. Ta atros usos, se veiga Albany.

Albany ye una ciudat estatounitense, capital d'o estato de Nueva York y d'o suyo condato, o condato d'Albany.[1]

Albany
Localidat d'os Estatos Unitos
Bandera Escudo d'armas
O Capitolio d'Albany
O Capitolio d'Albany.
Estato
 • Estato
 • Condato
Flag of the United States.svg Estatos Unitos
Nueva York
Condato d'Albany
Superficie 56,6 km²
Población
 • Total
 • Densidat

95.993 hab. (2007)
1.695,99 hab/km²
Albany en o estato de Nueva York

Albany en o estato de Nueva York.
www.AlbanyNY.org

A suya población ye de 95.993 habitants (2007) en una superficie de 56,6 km², con una densidat de población de 1.695,99 hab/km². Sindembargo, ye muit vinclata con as localidatz mugants de Troy y Schenectady, con as qualas forma un conchunto, dito Capital District; ista aglomeración urbana tien arredol de 850.000 habitants.

Albany, establita en 1614, ye a segunda ciudat más antiga establita por os europeus en o territorio d'as ditas Tretze colonias, estando establita por os neerlandeses.

Contenius

CheografíaEditar

A localidat d'Albany ye situata a una distancia de 219 km a o norte d'a ciudat de Nueva York,[2] que ye a ciudat con mayor numero d'habitants d'o estato d'o mesmo nombre. Ye a man d'a confluyencia entre o río Mohawk y o río Hudson.

HistoriaEditar

A ciudat d'Albany estió a segunda localidat establita por os europeus en o territorio d'as ditas Treze colonias britanicas, dezaga de Jamestown (en Virchinia). Fue establita a prencipios d'o sieglo XVII, concretament en 1614, como una factoría comercial por o explorador Henry Hudson quan feba exploracions en iste territorio dende 1609 por cuenta d'a Companyía Neerlandesa d'as Indias Occidentals en o suyo barco Halve Maen. Sindembargo, ya dende arredol de 1540 os primers europeus plegoron a o territorio, estando sindembargo colons franceses que treballaban como trampers ta arreplegar piels d'animals en a redolada, y que establioron un fuerte en Castle Island, tamién en l'actual estato de Nueva York, encara que iste fuerte fue luego albandonato.

Dende ixa calendata o territorio fació parte d'a colonia neerlandesa d'os Nuevos Países Baixos, que en 1624 establioron muit amanata, en Fort Orange (en a honor d'os prencipes d'Orange), a suya primera fortificación melitar en a colonia, establindo dimpués a ciudat de Beverwijck en 1652. Quan en 1664 Anglaterra conquerió a redolada, Beverwijck cambeó o suyo nombre ta l'actual Albany, en a honor d'o duque de York y Albany, que luego esdevenió rei con o nombre de Chaime II d'Anglaterra.

Dende 1797 ye a capital d'o estato de Nueva York, en cuentas d'a ciudat de Kingston, que yera a capital dica ixas envueltas.

Localidatz achirmanatasEditar

Vinclos externosEditar

ReferenciasEditar