Deutsches Afrika Korps

O Deutsches Afrika Korps (en alemán abrebiato Afrika Korps, Afrikakorps u DAK) estió o nombre que recibió o Cuartel Cheneral (HQ) d'as tropas ninviatas por a Wehrmacht d'o Tercer Reich enta Africa d'o Norte mientres a Segunda Guerra Mundial ta aduyar a l'Exercito italián a redotar a l'Exercito britanico y dentrar en Echipto, que en ixe inte feba parte d'o Imperio britanico. Sindembargo, mica en mica o nombre s'emplegó tamién ta fer referencia a las unidatz melitars alemanas en ixe mesmo territorio.

Frontera debantera d'un Pancerkampfwagen IV-D d'o Deutsches Afrika Korps, con o escudo d'ista unidat.

Os chenerals d'o Deutsches Afrika Korps Erwin Rommel y Fritz Bayerlein mientres a batalla de Tobruk en chunio de 1942.

Escudo d'o Deutsches Afrika Korps.

O Deutsches Afrika Korps fue creyato o 19 de febrero de 1941, ta reforzar a las tropas italianas en Libia, bloqueyatas por a contraofensiva d'o VIII Exercito britanico en a dita Operación Compass. A o suyo mando se trobaba o mariscal Erwin Rommel, y a suya primera misión yera nomás la de mantener o dominio italián en Libia y reconquerir a Cirenaica.

Dimpués de luitar en a Campanya d'Africa d'o Norte, con importants batallas, os repuis d'o Deutsches Afrika Korps se rindioron a los Aliatos en Túniz o 12 de mayo de 1943, encara que o suyo chefe melitar mas conoixito, Erwin Rommel, ya heba estato ninviato a Europa por Adolf Hitler ta que no cayese presoner d'os Aliatos dimpués d'a suya zaguera victoria en a batalla d'o paso de Kasserine.

Vinclos externos

• Se veigan as imáchens de Commons sobre o Deutsches Afrika Korps.