Abrir menú principal
O suco d'o limón ye un buen eixemplo d'alimento con gusto aceto

L'aceto ye un d'os cinco gustos basicos. O gusto aceto ye detectato por un chicot subconchunto de celulas que se distribuyen a traviés de totas as papilas gustativas en a luenga. As celulas d'o gusto aceto se pueden identificar por a proteína PKD2L1.[1]

O gusto aceto lo presentan alimentos con solucions acidas. Un eixemplo clasico ye l'acido citrico que bi ha en bells fruitos como os limons y naranchas.

EtimolochíaEditar

A etimolochía d'o gusto aceto se trobaría en a traza de dicir "vinagre" en l'aragonés medieval primerenco u preliterario y en o latín ACETUM. En "Secreta Secretorum" lo veyemos con -d-:

mas los seniales del mal stomago et de flaca digestion son estos seyr pesado enel cuerpo molleza pereza ençendimiento dela cara badallar souen auer los oios pesados auer mal aliento azedo o amargo opudient
Alexandre nu(n)ca te enoyes de tomar demanyana el exarop azedo et aq(ue)sto en dayuno et no sienpre mas quando las humidades sobre puyan et mas quando fleuma ensenyoria
si sientes dolor enel stomago opesadura meti sobre el uientre la camisa calient mas si reglotas es senyal de grant frialdat del stomago ad aquesto beuy agua con exarob azedo et lança por la boca que lencarçeramiento del comer o ençeramiento de las uiandas corronpido enel uientre es destruymiento fuert del cuerpo

Manimenos en diferents parlas altoaragonesas como l'ansotán u o chistabín, que no perteneixen a l'aragonés central conservan a denominación de aceto con a xorda intervocalica latina -t- sin sonorizar, y existe o verbo acetar documentato en A Buerda, Salas Altas y Val de Chistau y acetar-se en estas dos localidatz y en o Viello Sobrarbe, Tardienta y A Sotonera.

ReferenciasEditar