Trespass (cinta de 2011)
- Iste articlo ye sobre una cinta d'intriga policiaca estausunidense de l'anyo 2011; ta atros usos, se veiga Trespass y Trespass (cinta).
Trespass (títol orichinal en anglés, en aragonés Pecau, enguerada en Aragón con o títol en castellano de Bajo amenaza, en aragonés Baixo menaza) ye una cinta de cine d'intriga policiaca de l'anyo 2011 coproducida por o cine estausunidense y lo cine bulgaro dirichida por Joel Schumacher seguntes un guión orichinal de Karl Gajdusek, con una dirección de fotografía d'Andrzej Bartkowiak, una producción cinematografica de Rene Besson, Irwin Winkler y David Winkler ta las productoras Saturn Films y Nu Image y un elenco formau, entre d'atros actors, por Nicolas Cage, Nicole Kidman, Ben Mendelsohn, Cam Gigandet, Liana Liberato, Jordana Spiro, Dash Mihok, Emily Meade, Nico Tortorella, Terry Milam, Brandon Belknap y Tina Parker.
A familia Miller vive en una luxosa mansión en Shreveport, en Loisiana. Bel día se troban secuestraus por una banda de ladrón disvrazaus de policías. A banda la forman o suyo chefe, Elias, a suya novia Petal, o suyo chirmano menor Jonah y un corputo clamau Ty. Os ladrons pensaban trobar una gran cantidat de diners, pero bien luego se conoix que la familia se troba en creba. Mesmo un collar de diamats que leva la duenya resulta estar una copia sin garra valura. Poquet a poquet se conoix que Jonah ye qui heba proposau l'obchectivo y que Elias y Petal heban estau victimas d'un robo de 180.000 dólars en drogas que transportaban, y fan o robo ta saldar a deuda que ixo ha chenerau con a Mafia. Aparentment, Jonah heba teniu una aventura con a sinyora Miller y todo lo plan ye preparau ta marchar con a muller y los diners d'o mariu. Tanimientres, bien luego se conoix que no tot o que hebamos soposau dica l'inte ye verdat.
A cinta s'ambienta en a suya epoca actual (2011) en a ciudat de Shreveport, en Loisiana, y las suyas escenas se filmoron en os Millennium Studios en ixa mesma ciudat.[2]
A cinta nomás recibió que dos nominacions a los Premios Razzie.
Elenco[3] editar
| Actor | Papel | Notas |
|---|---|---|
| [[]] | ' |
Se veiga tamién editar
Referencias editar
- ↑ 1,0 1,1 1,2 (en) Enguero de Trespass en Internet Movie Database.
- ↑ (en) Localizacions de Trespass en Internet Movie Database.
- ↑ (en) Trespass en Internet Movie Database.