Tozal Gellért
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Tozal Gellért Gellért-hegy | |
 Ciudadela y Tozal Gellért | |
Situación
| |
| Situación |  Buda, Budapest (Hongría).
|
| Latitut | |
| Lonchitut | |
| Vértiz cheodesico | Error d'expresión: operador / no asperau/0.pdf |
Cheografía
| |
| Cordelera | |
| Sierra | |
| Macizo | |
| Altaria | 235 m |
| Primera puyada | |
| Ruta mas fácil | |
Mapa
| |
 Situación en Budapest | |
O tozal Gellért (en hongaro Gellért-hegy; en alemán Blocksberg; en latín Mons Sancti Gerhardi; en turco Gürz Elyas bayiri) ye un tozal de 235 m d'altaria situato sobre o Danubio en a ciudat de Budapest, Hongría. Fa parti d'os districtos 1 y 11 d'a ciudat. O tozal Gellért recibe o suyo nombre de Sant Cherardo qui morió en iste mesmo puesto. O famoso Hotel Gellért y o balneario Gellért se troban en a Plaza Gellért a os piez d'o tozal, amán d'o Puent d'a Libertat. A espelunga d'o tozal Gellért se troba tamién astí.
En a tuca d'o tozal bi ye a Citadella (Ciudadela), dende a on se puede veyer toda a ciudat y o río Danubio en pasando por ista.
Nombre editar
Os primeros nombres que se dan a o tozal en a Edat Meya son os de Kelen-hegy, Pesti-hegy y Blocksberg. Se prencipia a decir Szent Gellért hegye (literalment o tozal de Sant Cherardo) en o sieglo XV, fendo referencia a la leyenda que diz que Sant Cherardo morió astí. O santo bispe fue asasinato por os pagans mientres a gran rebelión pagana de 1046. Le metioron en un barril y le chitoron rodando entabaixo d'o tozal.
L'antigo nombre, Pesti-hegy (en latín Mons Pestiensis) fa referencia a la gran espelunga (actualment a espelunga d'o tozal Gellért) que ye aintro d'o tozal. A palabra, d'orichen eslau significa furno u espelunga.[1]
Os turcos otomans deciban a o tozal Gürz Elyas bayiri.[2] Gürz Elyas estió un hombre sagrato d'a orden de Bektashi, estando o suyo santuario y sepoltura, situatos en o tozal, un puesto de pelegrinache important en o sieglo XVII.[3]
Historia editar
Mientres o sieglo XVIII as laderas d'o tozal Gellért yeran plenas de vinyals. O districto de Tabán, situato a os piez d'o tozal, estió un important centro de producción de vins en Buda. D'alcuerdo con o rechistro de propiedaz de 1789, os vinyals cubriban 128 hectarias d'a colina (mientres que nomás 7.62 hectarias se feban servir como pastos).[4]
En o sieglo XVIII se construyo en a tuca d'o tozal un chicot crucero, que se tornó a reconstruyir en 1820. Toz os Lunes de Pascua una procesión puyaba por as escaleras que levan enta o crucero ta celebrar a resurrección de Cristo. O emmausjárás (Andada d'Emmaus) u tojásbúcsú (fiesta d'os uevos) estió una d'as celebracions catolicas mas importants mientres os sieglos XVIII y XIX.[5]
A Ciudadela fue construyita dimpués d'a plegata a o poder en 1848–49 d'os Habsburgo austriacos, como puesto estratechico ta controlar as ciudaz de Buda y Pest en caso d'una futura revuelta.
O tozal Gellért tamién estió escenario prencipal en a Segunda Guerra Mundial y en a Revolución Hongara de 1956, cuan os tanques sovieticos disparoron contra a ciudat dende astí. Bi ha un chicot museu militar en a Ciudadela. En o punto mas alto d'ista se troba a Estatua d'a Libertat (Szabadság Szobor in hongaro), un gran molimento construyito por o Exercito Royo sovietico ta conmemorar a suya victoria en a Segunda Guerra Mundial.
Se veiga tamién editar
Referencias editar
- ↑ (hu) A Rend külföldön
- ↑ (hu)geo.organic.hu
- ↑ (hu) MN Magyar Nemzet
- ↑ Eltűnt budai szőlők nyomában, in: Borbarát, 2007/3, p. 52
- ↑ (hu) Népszabadság Online: A vén Gellért-hegy oldalán…
Vinclos externos editar
Se veigan as imáchens de Commons sobre Gellért Hill.- (hu) Gellérthegy a Vendégvárón
- (hu) www.Gellerthegy.hu (Pachina d'o Districto XI de Budapest)
- (en) Google Maps
- (en) Tour virtual panoramico
