Rush Hour 3
Rush Hour 3 (títol orichinal en anglés, en aragonés Hora punta 3, enguerada con ixe mesmo zaguer títol en Aragón) ye una cinta de cine d'acción policiaca de comedia y artes marcials (un "buddy film") de l'anyo 2007 coproducida por o cine estausunidense y lo cine alemán dirichida por Brett Ratner seguntes un guión orichinal de Jeff Nathanson (basau en os personaches creyaus por Ross LaManna), con una banda sonora orichinal de Lalo Schifrin, una dirección de fotografía de J. Michael Muro, una producción cinematografica de Roger Birnbaum, Jonathan Glickman, Jay Stern, Arthur M. Sarkissian y Andrew Z. Davis ta las productoras Roger Birnbaum Productions, Arthur Sarkissian Productions y Unlike Film Productions y un elenco d'actors formau, entre d'atros, por Jackie Chan, Chris Tucker, Hiroyuki Sanada, Max von Sydow, Yvan Attal, Youki Kudoh, Noémie Lenoir, Zhang Jingchu, Tzi Ma, Roman Polanski, Philip Baker Hall y Dana Ivey.
Ista cinta contina la historia de Rush Hour 2 (2001, Brett Ratner) anyos dimpués. Conta cómo Solon Han, l'embaixador de China en Estaus Unius, ye obchecto d'un atentau. O suyo guardaspaldas, Lee, policía en Hong Kong, queda paralizau en veyer que lo terrorista no ye atro que lo suyo chirmano adoptivo y iste consigue fuyir d'o lugar de l'atentau. James Carter, policía en Los Angeles, escuita la noticia por radio y marcha a escape enta lo lugar ta "aduyar" a lo suyo amigo. Han se trona en o hespital y Lee li fa la promesa a su filla, Soo Yung, de que capturará a lo responsable. Lee y Carter prencipian a investigación, que los conduz enta París.
A cinta s'ambienta en o suyo momento actual (2007) en Los Angeles en California en os Estaus Unius y en París en Francia. As suyas escenas se filmoron en Long Beach, en Los Angeles, en Pasadena y en os Culver Studios en Culver City en California y en Nueva York (Nueva York) en Estaus Unius y en París en Francia.[2]
Ye una cinta que ha recibiu bels premios y nominacions. Tanimientres, garra d'éls perteneixe a los premios cinematograficos mas conoixius u destacaus.
Elenco[3] editar
| Actor | Papel | Notas |
|---|---|---|
| [[]] | ' |
Se veiga tamién editar
Referencias editar
- ↑ 1,0 1,1 1,2 (en) Enguero de Rush Hour 3 en Internet Movie Database.
- ↑ (en) Localizacions de Rush Hour 3 en Internet Movie Database.
- ↑ (en) Rush Hour 3 en Internet Movie Database.
]