Refús de transplante

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O refús de trasplante se produce cuan l'organismo d'o receptor no accepta un teixiu u organo d'un donant. A causa d'este fenomeno ye que o sistema immunitario d'o receptor ataca a estructura trasplantada. Esto ye un feito previsible, pus a función d'o sistema immunitario ye reconoixer moleclas estranyas a l'organismo, y provocar o desencadenamiento de mecanismos immunolochicos que las destruyan, d'una traza pareixida a como pasa con microorganismos patochenos como bacterias y virus.

Micrografia de refús en un transplante de polmón.

Siempre se preba de mirar o grau mes alto d'histocompatibilidat entre donant y receptor pa minguar a probabilidat de refús immunolochico analizando os grupos sanguinios respectivos suyos y proteínas HLA. Manimenos o tractamiento con farmacos immunosupresors tamién tien l'obchectivo d'evitar o refús. Antes d'o trasplante estos farmacos disminuyen l'actividat d'o sistema immunitario y, doncas, tamién a suya capacidat de reconoiximiento de moleclas estranyas. Posteriorment a lo trasplante, o receptor ha de seguir o tractamiento con farmacos immunosupresors pa evitar un posible refús tardano u cronico (enta tres u mes meses dimpués d'o trasplante).