Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A realimentación, retroalimentación u feed-back son accions d'un elemento sobre un atro elemento que fan que este zaguero actúe sobre o primero. A realimentación puet estar positiva u negativa:

Realimentación positiva editar

En as realimentacions positivas cuan augmenta un primer elemento A, augmenta un segundo elemento B, o que fa que augmente de nuevo A. Aisladament y sin atros factors conducen a un augmento sin control.

Un eixemplo de realimentación positiva clasico lo trobamos cuan se posa un microfono debant d'ul altavoz. L'altavoz reproduce o sonito d'o microfono y s'ascuitará un fuerte sonito por realimentación.

En una población en creiximiento o numero de naixencias fa que augmente a población, y l'augmento de población fa que augmente o numero de naixencias.

Realimentación negativa editar

En as realimentacions negativas cuan augmenta un primer elemento A, augmenta B, pero una puyada en B fa que se desvienga una baixada en A. A l'augmentar a causa augmenta l'efecto, pero l'augmento de l'efecto tiende a esmorteixer a causa. Estas realimentacions tienden a estabilizar os sistemas, d'astí o suyo nombre d'estabilizadors u homeostaticos, y ye present en tota clase de controls, tanto naturals (ye a base d'o control en o sistema endocrino), como ciberneticos.

Una secreción hormonal en exceso (hiperfunción) sería perchudiciosa, a l'igual que una secreción en defecto (hipofunción). As hormonas en a sangre son baixo un control retroactivo negativo (realimentación negativa). Una concentración alta d'una hormona en a sangre u a mesma respuesta que produce a hormona inhiben a sintesi d'esta hormona. D'esta traza a hipofisi produce a hormona foliculo-estimulant (FSH), que aboca a la sangre y arriba en l'ovario. A hormona FSH actúa sobre os foliculos de Graff primarios, que encomienzan a creixer y producir una hormona dita foliculina. Cuan a foliculina ye abocata a la sangre, remata por arribar en a hiposifi, on inhibe a producción d'a hormona FSH.