Queen Street (Auckland)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Queen Street
Ciudat	Auckland
Districto	Districto d'afers central
Prencipia	Quay Street
Remata	Karangahape Road
Longaria	3 km

Queen Street ye a prencipal carrera comercial d'o centro d'Auckland, a ciudat mas gran de Nueva Zelanda. Prencipia en Queens Wharf en o puerto d'Auckland, chunto a o Britomart Transport Centre y a terminal de ferry de Downtown y puya bels 3 kilometros enta o sud dica Karangahape Road y os vicos residencials de l'interior de l'istmo d'Auckland.

Geografía

Nombrada en honor d'a reina Victoria I, Queen Street estió una d'as primeras carreras d'a ciudat d'Auckland (establida en 1840), encara que inicialment Shortland Street, paralela a o puerto de Commercial Bay, estió pensada como a carrera prencipal d'a ciudat. O primer trazau de Queen Street s'endrezaba seguindo o barranco de Waihorotiu (dimpués encauzau como Ligar Canal). Ista canal fue cubierta, fluyindo por debaixo d'a carrera dende a decada de 1870 y permitindo asinas o suyo desenvolique. O curso d'o barranco encara se puet apreciar en a lichera curva d'a parti baixa de Queen Street. Dende o norte de Shortland Street, Queen Street fue construyida sobre tierras ganadas a la mar en zaguerías d'o sieglo XIX.

Bi ha cuantas atras 'Queen Streets' en l'aria metropolitana d'Auckland, a mayoría en vicos que yeran lugars deseparaus antis mas y que han estau absorvius por a ciudat. Auckland yera tamién conoixida con a embotada de "Queen City" ("Ciudat d'a reina") antis d'o sieglo XX, encara que ixe termín ya no se fa servir guaire y ha estau sustituyiu por o de "City of Sails" ("Ciudat d'as velas").