Prater
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Wiener Prater | |
|---|---|
 | |
| Administración | |
| Estato | |
| País |  Austria
|
| Ciudat | Viena |
| Districto | Leopoldstadt |
| ' | |
| Datos chenerals | |
| Nombre oficial | Wiener Prater |
| Atros nombres | ' |
| Tipo | Parque Urbán |
| Grandaria | 6 km² |
| Debantadera | |
| Operador | |
| Vesitants | |
| Estatus | |
  | |
O Wiener Prater (en dialecto vienés Wiena Pråda [1]), conoixito simplament como Prater, ye un gran parque publico en Leopoldstadt, o segundo districto d'a ciudat de Viena (Austria). O nombre de Prater deriva d'a parola latina pratum que significa prau, posiblement a traviés d'a parola en castellano. O termín Prater se fa servir a sobén ta referir-se a o parque d'atraccions Wurstelprater (en dialecto vienés Wuaschtlpråda [1]) situato en a esquina d'o parque y que incluye a o Wiener Riesenrad.
Historia editar
L'aria sobre a que se troba l'actual Prater apareixe por primera vegata en 1162, cuan Federico I cedió as tierras a una familia d'a nobleza dita Prato. A parola "Prater" se fació servir por primera vegata en 1403, orichinalment refiriendo-se a una chicota isla en o Danubio a o norte de Freudenau, pero o suyo significato s'estendilló poquet a poquet a las zonas adchacents tamién. As tierras cambioron de mans a-saber-lo dica que fuoron mercatas por o emperador Maximilián II en 1560 ta emplegar os terrenos ta a caza. Ta tractar con o problema d'os cazataires furtivos, l'emperador Rodolfo II viedó a dentrata a o Prater. O 7 d'abril de 1766, l'emperador Chusé II declaró a o Prater libre ta o entretenimiento publico y permitió establecimientos de venda de café, que estioron os inicios d'o parque d'atraccions Wurstelprater. A o largo d'os anyos, a practica d'a caza estió habitual en o recinto, dica que se prohibió en 1920.
En 1873, se i fació a Exposición Universal de Viena, ta la que se deixó un gran espacio de tierra, centrata en a Rotunde, que se cremó en 1937. Ixe terreno ye ocupato en l'actualidat por as casas d'o Messegelände (centro d'exposicions).
En 2004, prencipioron as prencipals renovacions d'o Wurstelprater y se remató y metió en funcionamiento una nueva linia de metro l'11 de mayo de 2008, que incluye tres paradas a o largo d'o Prater. A estación de tren de Praterstern ha estado operativa mientres muito tiempo y ye a poquez metros d'una dentrada d'o parque.
A superficie total d'o parque tamién s'ha reducito por a construcción d'o Estadio Ernst Happel (o estadio nacional d'Austria, d'antis mas conoixito como Estadio d'o Prater), o Südosttangente (o trampo d'autovía con mas trafico d'Austria) y un autodromo.
Atras atraccions editar
L'avenita prencipal, dita Hauptallee, ye l'arteria prencipal de comunicación, trobando-se rodiata de castanyeras d'Indias y zarrata a o trafico a motor. Ye prou popular entre os aficionatos a o esporte, ya que se i fa anyalment a maratón Viena. O Prater ye o puesto a on se troba o Liliputbahn, un ferrocarril de vía estreita. Atro puesto inusual que se troba en o parque d'o Prater ye a Republica de Kugelmugel, una micronación esferica. Tamién tien un planetario y o Prater Museum.
Referencias editar
- ↑ 1,0 1,1 (de) Lilliput Wienerisch. Sussane Finsterl-Lindlar. Langenscheidt. 2011. ISBN 978-3-468-20015-1
Vinclos externos editar
Se veigan as imáchens de Commons sobre Prater.- (en)(de) Web oficial d'o Prater
- (en)(de) Liliputbahn miniature railway
- (en)(de) Prater Museum
