Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A palla[1] (de o latín <PALEA) ye o tallo seco de bellas plantas poacias, en especial os cerials de cautivo común: trigo, hordio, cevau, segal, arroz, etc. Tradicionalment, s'obteneba deseparando-la contra o grano en o proceso de trilla y aventau. En l'actualidat, con a mecanización de a siega, se gosa fer con maquinas.

Palla.

A palla ye un material muit barato y se fa servir ta muitos usos. Eventualment, puede estar alimento ta bels animals, pero l'uso mas frecuent en ganadería ye de fer-les de leito a las bestias y ta absorver, espardindo-la por o suelo d'a cuadra ta que absorva parcialment a orina y a humedat d'o fiemo, o que disminuye o riesgo d'infeccions por l'obligau contacto d'os animals con as suyas deposicions. Tamién s'ha feito servir tradicionalment en atros campos, como a construcción: serviba ta cubillar bordas y cabanas, y tamién yera un component d'o tillo y de l'adoba.

As bordas a on que s'almagazena la palla se dicen pallers/os, pero en bels puestos tamién s'almagazena a la intemperie en niedas, que son unas estructuras particulars destinadas a minimizar a descomposición cuan s'ha de guardar en l'exterior. As pacas son paquez de palla compactada mecanicament, de regular con bella maquina especifica ta fer ixa función.

Imáchens editar

Se veiga tamién editar

Referencias editar

  1. (an) Silbia Garcés Lardiés,Francho Rodés Orquín:Un borguil de parolas.Bocabulario dialeutal escolar, Gubierno d'Aragón, 2006, ISBN 84-689-7358-0, p.39

Vinclos externos editar