Nematobrycon palmeri
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Nematobrycon palmeri | ||||||||||||||||||||
 Nematobrycon palmeri fembra | ||||||||||||||||||||
| ||||||||||||||||||||
| ||||||||||||||||||||
| Nematobrycon palmeri | ||||||||||||||||||||
| Eingenmann, 1911 | ||||||||||||||||||||
Nematobrycon palmeri (Eingenmann, 1911) ye una especie de peix tropical d'augua dulza en a familia Characidae, d'entre 5 y 6,5 cm de lonchitut en os eixemplars adultos. Ista especie ye natural d'os ríos Atrato y San Juan, en a cuenca caribenya d'America d'o Sud, en puestos en os que a vechetación i ye densa. En captividat, gosan fuyir d'a luz intensa y en acuarios con densidat de vechetación plantada se fincan per d'entre as plantas a mes gran parte d'o día.
En Espanya, se'l comercializa con o nombre popular de «Tetra emperador», per a envistabilidat d'as suyas colors. Presenta una faixa de color negra intensa lonchitudinal per cada costato d'o cuerpo, dende l'operclo dica la coda, prolargando-se-ie alavez a traviés de l'aleta caudal en a que i gosa marcar una protrusión central, en o sino, que ye pigmentada d'a mesma color e i constituye una continación d'a faixa corporal. O vriente ye de color clareta, sin de guaire peculiaridaz, pero en o dorso, alto de la dita faixa negra, a color ye marrón clareta pero con brilluras metalizadas, iridescents, de color azul clareta u torquesa, que se manifiestan u no d'alcuerdo con l'anglo en el que i faiga incidencia la luz. Ista zaguer caracteristica de color el fa d'entivocar-se a sobén con una altra especie, Inpaichthys kerri, que per ixe motivo recibe o nombre popular de «falso tetra emperador».
As semellanzas d'entre N. palmeri y Inpaichthys kerri son numbrosas, y cal que se las saba destinguir ta no entivocar-las. Tan ye lo problema que no se fa mica raro de trobar as dos especies chuntas en os comercios, a la venta como si toz fuesen "verdaders" tetras emperador. Una buena observación que se puede fer (sobretot cuan es que s'ofreixen no son animals de tot adultos) ye de parar cuenta con l'aleta adiposa, que ye l'aleta chicorrona que muitas especies de Characidae tienen alto en a coda, d'entre l'aleta dorsal y la caudal. Ixa aleta, en a comparanza d'entre istas dos especies, no se troba si que en Inpaichthys kerri y ye ausent en Nematobrycon palmeri. En N. palmeri, a demés, o uello tiene una caracteristica color azul u torquesa, que no se troba en Inpaichthys kerri. En eixemplars adultos, Nematobrycon palmeri manifiesta una forma ostentosament mas robusta que no Inpaichthys kerri.
O tetra emperador vive bien a temperaturas d'augua d'entre 22 y 26 °C, con un Ph d'entre 6,5 y 7,2 puntos (neutras u muit leverament acidas), y una dureza Gh d'entre 4 y 10º. Tienen habitos muit tranquilos, per el que no se fa guaire recomendable de mantener-los en acuarios en os que i haigan de convivir con especies mas niervudas u que es encorran. En captividat se gosa reproducir con frecuencia cuan se les i proporcionan as condicions correctas.
Imáchens editar
-
-
Detalle d'a cabeza d'una fembra -
En captividat, prefieren fer-se poco visibles en amagando-se per d'entre a vechetación
Se veiga tamién editar
Vinclos externos editar
Wikispecies tiene un articlo sobre Nematobrycon palmeri.
Se veigan as imáchens de Commons sobre Nematobrycon palmeri.
