Naschmarkt

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O Naschmarkt (en dialecto vienés Naschmoakd ) ye o mercato mas popular d'a ciudat de Viena en Austria. Situato en a Wienzeile chunto a o río Viena tien una longaria d'alto u baixo 1,5 kilometros.

Tipico puesto de mercato en o Naschmarkt de Viena, Austria.

O Naschmarkt ha existito dende o sieglo XVI, cuan se vendeban astí mas que mas botellas de leit. Dende l'anyo 1793, todas as fruitas y vechetals que plegaban ta Viena en carro s'heban de vender en o Naschmarkt. Por o contrario, os productos que plegaban por o Danubio se vendeban en atros puestos d'a ciudat. Hue en día, se pueden mercar en él fruita y vechetals frescos de tot o mundo, especias exoticas, queso, pan, Kaisersemmeln, tartas, carnes y mariscos. Tamién bi ha a-saber-los chicoz restaurants que ofreixen, por eixemplo, sushi, kebab, peix, marisco y comida tradicional de Viena como o Kaiserschmarrn u as Palatschinken. Tamién bi ha botigas que venden ropa y complementos. Toz os sabados dende 1977 o mercato se extendilla dillá d'a Wienzeile sobre un aria adchacent, a on se troba o Flohmarkt.

L'atmosfera unica d'o Naschmarkt ye famosa difuera d'as mugas de Viena, y un gran numero de turistas lo visita cada anyo.

O Naschmarkt en 1900

Vinclos externos

• (en) Naschmarkt de Vienna. Veyer un vidio sobre o mercato mas gran de Viena.
• (de) Magazine/web sobre o "Wiener Naschmarkt"
• (de) Iformation d'o mercato con fotos
• (en) Tour panoramico virtual d'o Naschmarkt