Nacionalismo quebequés

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O nacionalismo quebequés ye un movimiento nacionalista contemporanio en a provincia de Quebec (que fa parte politicament d'o Canadá), resultato d'a evolución u maturación d'os nacionalismos baixo-canadiense y franco-canadiense. Habendo d'evolucionar en una America anglesa y con atra cultura diferent francofona, o nacionalismo en Quebec se tornó en un sentimiento de diferencia frent a l'atra cultura y una tornata a las radices francesas.

Bandera de Quebec.

Encara cuan en a primera metat d'o sieglo XX o nacionalismo quebequés puede considerar-se como un movimiento débil, as eleccions de 1962 significoron un claro trunfo ta os partidarios d'una mayor autonomía en o seno d'a confederación, tendencia que s'afirmó posteriorment.

Por atro canto os grupos independentistas que destacoron en os anyos 1960 no consiguioron de consolidar-sen de tot, anque recibioron una notable empentón dezaga d'a vesita de Charles de Gaulle a Quebec (chulio-agosto de 1967). L'actividat d'os separatistas derivó allora en accions terroristas, como lo secuestro y l'asesinato d'o ministro de Treballo y vice-primer ministro Pierre Laporte, realizato por o Frent de Liberación de Quebec (Front de Libération du Québec, FLQ). Iste mismo anyo, o Gubierno federal de Canadá aceptó lo francés como luenga co-oficial en Quebec t'aturar a corrient nacionalista.

En as eleccions de 1973, ganatas por o Partiu Liberal de Quebec (Parti Libéral du Quebec, PLQ), o recient creyato Partiu Quebequés (Parti Québécois, PQ) consiguió lo 30% d'os votos, y vencerba posteriorment en as eleccions de noviembre de 1976.