Mundir I
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Mundir I منذر المنصور | |
|---|---|
| Rei d'a Taifa de Saraqusta | |
| 1018 - 1021 u 1022 | |
| Predecesor | Gubierno emiral |
| Succesor | Yahya al-Muzaffar |
| Naixencia | ? Val d'Ebro |
| Muerte | 1021 u 1022 ¿Saraqusta? |
| Dinastía | Tuchibín |
| Pai | Yaḥyá |
Mundir ibn Yahyá al-Tuchibí al-Mansur (arabe المنذر بن يحيى التجيبي, muerto en 1021 u 1022) estió rei d'a taifa de Saraqusta entre 1018 y 1021 u 1022 perteneixient a lo linache d'os tuchibíns.
Biografía editar
Ganó prestichio luitando en os exercitos d'Almanzor, lo que le valió posteriorment obtener o cargo de gubernador de Tudela (cabeza de districto d'a Marca Superior) en 1005. Participó en as luitas civils escayeixitas en Cordoba dezaga d'o primer estronamiento en 1009 de Hisham II.
Mas tardi obtenió lo gubierno como emir de Saraqusta, que le dió en 1013 o califa Sulaiman al-Mustain. Con o deterioro d'o poder central en Al-Andalus, se declaró independient, prencipiando asinas a epoca d'o reino independient de Saraqusta en 1018, anyo en que cudió as suyas primeras monedas como rei taifa. Prencipió un periodo de millora d'obras publicas, con a enamplación d'a mezquita alchama de Saraqusta. Antimás ta dar una mayor imachen de cultura a la suya cort, trayió poetas prestichioso como Ibn Darray.
Respective a la politica exterior, mientres d'o suyo reinau fue fustigato cuasi de contino por Sancho lo Gran de Pamplona. Ta mirar de contrarrestar-lo achustó lo matrimonio entre Berenguer Remón I de Barcelona y Sancha, filla de Sancho García de Castiella en 1021, y d'ista traza consiguió l'alianza d'istos dos condatos cristianos ta enfrentar-se a Sancho lo Gran.
Fuents editar
- CERVERA FRAS, M ª José: El reino de Saraqusta, Zaragoza, CAI, 1999. ISBN 8488305931
- CORRAL, José Luis: Historia de Zaragoza. Zaragoza musulmana (714-1118), Zaragoza, Ayto. de Zaragoza y CAI, 1998. ISBN 8480691557
- MONTANER FRUTOS, Alberto: "Introducción histórica" al capítulo "El palacio musulmán", en: Bernabé Cabañero Subiza et alt., La Aljafería (vol. I), Zaragoza, Cortes de Aragón, 1998. págs. 35-65. ISBN 8486794978
- VIGUERA MOLINS, Mª Jesús: Aragón musulmán, Zaragoza, Mira editores, 1988. ISBN 8486778069
- VIGUERA MOLINS, Mª Jesús: El islam en Aragón, Zaragoza, CAI, (Col. «Mariano de Pano y Ruata», nº 9), 1995. ISBN 8488305273
Vinclos externos editar
- Mundir I, en a Gran Enciclopedia Aragonesa.
| Predecesor: Gubierno emiral |
Mundir I Rei taifa de Saraqusta 1018- 1021 u 1022 |
Succesor: Yahya al-Muzaffar |