Merops

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Merops
Eixemplar de Merops apiaster
Clasificación cientifica
Dominio:	Eukaryota
Reino:	Animalia
Filo:	Chordata
Clase:	Aves
Subclase:	Neornithes
Superorden:	Neognathae
Orden:	Coraciiformes
Familia:	Meropidae
Chenero:	Merops
Descripción
Merops LINNAEUS, 1758

Merops (L., 1758) ye un chenero d'aus coraciformes adintro d'a familia Meropidae, d'a cual en ye o chenero tipo.

O chenero contiene 28 especies que se troba en o sud d'Europa y Magreb, Africa ecuatorial y meridional, Asia en sud de l'Himalaya y Oceanía. D'entre ellas, Merops apiaster ye común en Aragón y a resta d'a Peninsula Iberica.

Descripción

Son aus de mida mediana, de 27-28 cm de largaria, de volido rapedo y maniobrable. Tienen as alas largas, rematadas en punta, que cuan se plegan arriban dica la fin de la coda. A coda ye cuadrada, y en os eixemplars adultos tiene dos plumas centrals mas largas.

Son insectivoros que pillan as suyas presas cuan vuelan. Socavan niedos en forma de cado en as ripas y ripazos de tierra u arena compacta en a marguin de ríos, barrancos y ramblas a prou altura pa que a mayoría de depredadors no i gosen dentrar.

As especies que viven en latituz subtropicals y temperadas son migraderas, y no i son si que en os meses estivals. En hibierno, marchan en migración dica latituz calidas a sobén a bels millars de kilometros d'os puestos a on que crían.

Vinclos externos

• Se veigan as imáchens de Commons sobre Merops.
• Wikispecies tiene un articlo sobre Merops.