Ligüé

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Ligüé ye un lugar despoblau d'o municipio de Candarenas, situau en a comarca de l'Alto Galligo (Uesca).

Ligüé
Despoblau medieval d'Aragón
Entidat  • País  • Provincia  • Comarca  • Municipio	Despoblau medieval  Aragón  Uesca Alto Galligo Candarenas
Partiu chudicial	Chaca
Población  • Total	0 hab.
Altaria  • Meyana	700 m.
Parroquial  • Diocesi  • Arcipestrau	Chaca Samianigo
Coordenadas	42°26’12’’N 0°34’58’’U
Ligüé Ligüé en Aragón

En o puesto a on yera o lugar encara bi ha parez de dica 2 metros d'altaria y bels metros de largaria perteneixients a os antigos edificios.

Toponimia

L'orichen d'iste toponimo sería un antroponimo latino con o sufixo prerromano de posesión -ué.

Historia

Como atros lugars d'a redolada recibió vesitas de chents de Uesca que replegaban diners pa las obras d'a seu de Santa María. En a primera vesita, o 24 de chunio de 1338, yera rector don Miguel y testigos "Domingo de Lihue y don Pedro Malacastro". En a segunda, o 29 d'agosto de 1405, bosoron doce sueldos.

Se sabe que en o sieglo XIV teneba o títol eclesiastico de rectoría.

Leyendas

Bi ha una leyenda relacionada con iste lugar que diz que bi heba un gran caixico dica primerías d'o sieglo XX. Como l'árbol yera muit gran o duenyo d'o terreno lo vendió a un atra persona pa que lo tallase y podese aproveitar a suya fusta. Cuan chito ta o fuego un tizón d'a lenya de l'árbol i salió por sospresa un churro d'oro fundiu. Asinas ye como descubrió que o tronco yera vueito y adintro teneba un tresoro amagau.