Ladriello
Un ladriello[1] u maón[1] ye un material de construcción con forma de paralelepipedo feito d'archila ixecada y cueta en una bobila. O ladriello tradicional yera macizo y se feba servir pa fer toda mena de construccions: parez, vueltas, arcos…
Se distinguen tres tipos de ladriellos seguntes o porcentache de vueito en o total de volumen aparent: os ladriellos macizos (ditos briquetas u matracos), os ladriellos calaus y os ladriellos forataus. Un tocho ye un ladriello macizo, mas gordo de l'habitual. Se dice d'atra man tochau a o ladriello que tien seis foraus.
Tamién se pueden distinguir os ladriellos seguntes l'acabau. N'i hai entre atros refractarios con un acabau especial que lo fa apto pa resistir grans temperaturas; de cara vista, con como minimo una cara con un acabau mas poliu pa deixar-lo visible en fronteras; manuals, con un acabau mas rustico pa recordar a fabricación tradicional…[2] Os ladriellos especials pa entabicar se dicen michilindraus.
Os ladriellos se pueden unir emplegando mortero, adhesivos u entrelazando-los.[3][4]
Referencias editar
- ↑ 1,0 1,1 (an) Diccionario ortografico de l'aragonés (Seguntes la Propuesta Ortografica de l'EFA). Versión preliminar. Estudio de Filología Aragonesa. ISSN 1988-8139. Octubre de 2022.
- ↑ (es) "Diccionario de Arte II". Biblioteca de Consulta Larousse. Spes Editorial SL (RBA). Barcelona, 2003. ISBN 84-8332-391-5. Pach.20. DL M-50.522-2002
- ↑ (en) Interlocking bricks & Compressed stablized earth bricks - CSEB. Buildup Nepal.
- ↑ (en) Bricks that interlock