La Serrezuela (sierra de la Virchen)
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| La Serrezuela | |
|---|---|
| Cheografía | |
| Cordelera | Sistema Iberico |
| Sector | |
| ' | |
| Maxima altaria | 1.176 m (Torre de la Masa) |
| Cimas importants | |
| Largaria | |
| Amplaria | |
| Superficie | |
| Vértiz cheodesico | |
| Subsistemas | |
| Administración | |
| Estau | |
| País |  Aragón
|
| Comarca | Aranda Comunidat de Calatayú |
| Cheolochía | |
| Edat | Cambrico, Triasico, Mioceno |
| Materials | Rocas sedimentarias principalment detriticas. |
| Tipo | Orochenesi |
  | |
La Serrezuela ye un sarrau occidental de la sierra de la Virchen con dirección NO-SE situau entre Malanquiella, Aranda de Moncayo y Clarés de Ribota.
Altarias editar
La principal altaria ye Torre de la Masa con 1.176 m.
Toponimia editar
L'oronimo Serrezuela ye un derivau de "sierra" con lo sufixo diminutivo -uela, (común en toponimia), y l'infixo -ez-. Ya se documenta en un texto escrito en Aranda de Moncayo en lo sieglo XV (collado de la Serreçuela).[1]
En la Serrezuela bi ha uns cuantos microtoponimos descriptivos de lo terreno: la Pedriza, collado d'el Tornagal, vago de los Troncos, barranco de Vallurguín, val de Aranda, ecetra.
Hidrolochía editar
La versant nord-este de la sierra desaugua enta lo riu Aranda, la versant sudueste desaugua enta la rambla de Ribota, los dos afluents de Xalón.
Cheolochía editar
En Torre de la Masa afloran las piedras d'arena y almendrons de la formación Quarcita de Bambola (Cambrico inferior).
Entre los termins municipals de Clarés de Ribota y Malanquiella bi ha una representación chica de rodeno de facies Buntsandstein (Triasico inferior). En lo termin municipal d'Aranda de Moncayo bi ha una representación chica de dolomías de lo Retián (Triasico tardano) y carniolas-brechas dolomiticas de lo Hettanchián (Churasico primerenco), con representación de las formacions Imón, Cortes de Tajuña y Lecera.
Entre los termins municipals d'Aranda de Moncayo y Malanquiella toz estos materials y los cambrians son superposaus en discordancia angular por almendrons, piedras d'arena y limolitas d'edat miocena.
Referencias editar
- ↑ (es) Miguel Angel Solá Martín: Los pleitos por el monte Entredicho de Malanquilla durante los reinados de Jaime II y Alfonso IV (1313-1337). Publicau en: Cuarta Provincia, nº 2 (2019). pp. 33-64. ISSN: 2605-3241.
Bibliografía editar
- (es) Eduardo Viñuales Cobos: Red Natural de Aragón. Comunidad de Calatayud nº 17, 2007.
- (es) Instituto Geológico y Minero de España: Mapa Geológico de España E 1:50.000. Illueca. Fuella 381 25-15. Servicio de publicaciones del Ministerio de Industria y Energía, 1981.