Kindergarten Cop
Kindergarten Cop (títol orichinal en anglés, en aragonés Poli de guardería, enguerada en Aragón con iste zaguer títol) ye una cinta de cine estausunidense de cine de comedia d'acción de l'anyo 1990 dirichida por Ivan Reitman seguntes un guión adaptau por Murray Salem, Herschel Weingrod y Timothy Harris (basau en una historia de Murray Salem), con una banda sonora orichinal de Randy Edelman, una dirección de fotografía de Michael Chapman y una producción cinematografica d'Ivan Reitman y Brian Grazer ta la productora cinematografica Imagine Entertainment. Forman l'elenco d'actors d'a cinta, entre d'atros, Arnold Schwarzenegger, Penelope Ann Miller, Pamela Reed, Linda Hunt, Richard Tyson, Carroll Baker, Cathy Moriarty, Park Overall, Jayne Brook, Betty Lou Henson, Heidi Swedberg, Richard Portnow, Alix Koromzay, Bob Nelson, Angela Bassett, Sarah Rose Karr, Miko Hughes, Ben Diskin, Adam Wylie, Ross Malinger y Odette Yustman.
John Kimble ye un policía de Los Angeles que dende fa anyos persigue a un perigloso narcotraficant. Bel día una mesacha, Cindy, veye cómo lo narcotraficant (Cullen Crisp) fa un asasinato y Kimble l'arresta, pero lo dixan libre por una cuestión tecnica. D'atra man, Crisp ha obteniu d'a victima una valurosa información sobre lo puesto a on se i troba su ex muller con su fillo, que han fuyiu d'él y que diz que lo ha feito levando-se una important cantidat de diners. A Policía nomás sabe que lo lugar a on se i troba la muller y decide ninviar a Kimble chunto con una atra achent, Phoebe O'Hara, qui d'antes mas heba estau mayestra, ta que ista ocupe plaza de mayestra en a escuela d'ixe lugar y asinas contacten con a muller ta ufrir-li inmunidat a cambio d'o suyo testimonio contra Crisp. Tanimientres, cuan plegan en o lugar O'Hara caye malauta y ye Kimble qui ha de convertir-se en mayestro en a escoleta de ninos d'o lugar, encara que no poseye garra formación previa ta ixe treballo.
A cinta s'ambenta en a suya epoca actual (1990) en as localidaz de Los Angeles (California) y Astoria (Oregón) y las suyas escenas se filmoron en Astoria y bellas atras localidaz d'Oregón y en Los Angeles y Santa Ana en California.[2]
Ye una cinta que ha recibiu bels premios y nominacions, encara que garra d'éls fa parte d'os premios cinematograficos mas conoixius u destacaus.
Elenco[3] editar
| Actor | Papel | Notas |
|---|---|---|
| [[]] | ' |