Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Herbert Marcuse
O filosofo y sociologo estausunidense Herbert Marcuse, en una imachen de 1955.
O filosofo y sociologo estausunidense Herbert Marcuse, en una imachen de 1955.
Información personal
Calendata de naixencia 19 de chulio de 1898
Puesto de naixencia Berlín (Imperio Alemán, hue Alemanya)
Calendata de muerte 29 de chulio de 1979
Puesto de muerte Starnberg (Bavera, Alemanya Occidental, hue Alemanya)
Ocupación Filosofo y sociologo

Herbert Marcuse, naixito de Berlín (Imperio Alemán, hue Alemanya) o 19 de chulio de 1898 y muerto en Starnberg (Bavera, Alemanya Occidental, hue Alemanya) o 29 de chulio de 1979, estió un filosofo y sociologo estausunidense d'orichen chodigo-alemán, qui estió (con Erich Fromm y Theodor W. Adorno) uno d'os prencipals representants d'a dita Escuela de Fráncfort mientres a Republica de Weimar.

Ideyolochicament, yera de cuchas, estando en primerías militant d'o Sozialdemokratische Partei Deutschlands dica l'asesinato de Rosa Luxemburgo en 1919, cuan l'abandonó pa adhibir-se a o Spartakus Bund. Cuan Adolf Hitler establió o Tercer Reich mientres os anyos 1930 se tresladó enta os Estaus Unius, convertindo-se en ciudadán estausunidense en os anyos 1940 ta desembolicar ya ta cutío a suya carrera en iste país, treballando mientres a Segunda Guerra Mundial ta os servicios secretos estausunidenses (Office of Strategic Services, l'achencia federal antecedent d'a Central Intelligence Agency) en l'analís d'as informacions recullitas en l'Alemanya nazi.

Dende os anyos 1950 colaboró en as prencipals universidaz estausunidenses, convertindo-se mientres os anyos 1970 en uno d'os prencipals teoricos d'o marxismo, estando a mas uno d'os referents d'o movimiento hippie.

Vinclos externos editar