Escala de Torino
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
L'escala de Torino ye un metodo pa clasificar o periglo de impauto asociau con obchectos cercanos a la Tierra (os clamaus NEO) como que asteroides y cometas. Ye pensau como que una ferramienta de comunicación pa que os astronomos y o publico avaluen a gravedat d'as prediccions de colisions, combinando estatisticas de prebabilidat y potencials de danyo cinetico conoixius en una solament valor de menaza.
L'escala de Torino emplega una escala entera de 0 a 10. Un 0 indica que un obchecto tiene una prebabilidat insignificant de colisión con a Tierra, en comparanza con o "rudio de fondo" habitual d'os eventos de colisión, u que ye masiau chicot pa penetrar intacto en l'atmosfera d'a Tierra. Un 10 indica que una colisión ye segura y que l'obchecto impactant ye pro gran como que pa prezepitar una esferra global.
A un obchecto se le asigna una valor de 0 a 10 en función d'a suya prebabilidat de colisión y a enerchía cinetica (expresada en megatons de TNT) d'a posible colisión.
L'escala de Torino se define solament pa impautos potencials de menos de 100 anyos en o futuro. Estió creyada por o profesor Richard P. Binzel en o Departamento de Ciencias d'a Tierra, Atmosfericas y Planetarias de l'Instituto de Tecnolochía de Massachusetts (MIT). A primera versión, denominada "Indiz de periglosidat d'obchectos cercanos a la Tierra", se presentó en una conferencia d'as Nacions Unitas en 1995.