El día de los enamorados
| El día de los enamorados | |
|---|---|
| Títol | El día de los enamorados |
| |
| Ficha tecnica | |
| Dirección | Fernando Palacios |
| Aduyant de dirección | Rafael Romero Marchent |
| Producción | Jesús Rubiera |
| Guión orichinal | Rafael J. Salvia Pedro Masó Antonio Vich |
| Musica | Augusto Algueró |
| Soniu | Felipe Fernández |
| Fotografía | Alejandro Ulloa |
| Montache | Julio Peña |
| Escenografía | Enrique Alarcón |
| Maquillache | Emilio Puyol |
| Peluquería | Mirela |
| Actors | Conchita Velasco Mabel Karr María Mahor Katia Loritz Tony Leblanc George Rigaud Manolo Gómez Bur Ángel Aranda Manuel Monroy |
| Color | Eastmancolor[1] |
| Datos y cifras | |
| País(es) | Espanya |
| Anyo | 1959 |
| Debantadera | 9 d'aviento de 1959  Espanya[1]
|
| Chenero(s) | Cine de comedia |
| Durada | 95 min. |
| Idioma(s) | Castellano |
| Companyías | |
| Productora(s) | Asturias Films As Films S.A. |
| Distribución | As Films S.A. Interpeninsular |
| Succesión de cintas | |
| Succedita por | Vuelve San Valentín |
| Informacions en bases de datos especializadas: | |
    
| |
El día de los enamorados (títol orichinal en castellano, en aragonés O día d'os enamoraus; enguerada en Aragón con o suyo títol orichinal en castellano) ye una cinta de comedia espanyola de l'anyo 1959 dirichida por Fernando Palacios seguntes un guión orichinal de Rafael J. Salvia, Antonio Vich y Pedro Masó, con una Banda Sonora Orichinal d'Augusto Algueró y una dirección de fotografía d'Alejandro Ulloa. Producida por Jesús Rubiera ta las productoras Asturias Films y As Films S.A., en l'elenco d'a cinta se troban actors como Conchita Velasco, Mabel Karr, María Mahor, Katia Loritz, Tony Leblanc, George Rigaud, Manolo Gómez Bur, Ángel Aranda u Manuel Monroy.
La cinta ye ambientada en a ciudat de Madrit mientres os zaguers anyos 1950 y lo suyo rodache se fació en ixa mesma ciudat.[2] El día de los enamorados se filmó en continando la idea subyacent en Las chicas de la Cruz Roja (1958, Rafael J. Salvia) y en proveitando d'o suyo exito: cuatro parellas de novios con os suyos respectivos problemas d'enamoraus en o Madrit d'ixas envueltas. De feito, cuasi toz os intervinientes en as dos cintas mesmo en l'equipo tecnico que en l'elenco son os mesmos, con bella chicota excepción (la principal, l'actriz Luz Márquez, a qui substituyó María Mahor); antiparte, Fernando Palacios, o director d'a cinta El día de los enamorados, heba estau aduyant de dirección en Las chicas de la Cruz Roja. D'atra man, en l'anyo 1962 se rodó la cinta Vuelve San Valentín, tamién dirichida por Fernando Palacios, como una continación de El día de los enamorados.
El día de los enamorados recibió Premios d'o Sindicato Nacional del Espectáculo:[3] un premio interpretativo (Actriz Segundaria ta Conchita Velasco)[4] y un atro de tecnico, Logro Tecnico, directament a la cinta (y a lo suyo director).[5]
Argumento editar
Sant Valentín, en estar o santo patrón d'os enamoraus, baixa cada anyo enta la Tierra en o día d'a suya onomastica ta solucionar toz os problemas relacionaus con l'amor d'as parellas de novios y enamoraus. Iste anyo, Sant Valentín se centra en cuatro parellas diferents, cadaguna con o suyo propio problema.
La primera d'istas parellas ye formada por Antonio, un treballador d'una zapatería que ye un gran apasionau d'o fútbol, dica l'inte que la suya prometida Conchita creye que ta lo suyo novio ixe esporte ye mas important que ella mesma. En a segunda parella, Luisa ye una mesacha romantica que ha sacrificau tot ta satisfacer a su novio Manolo, un conductor d'autobús urbano de Madrit que nomás busca que la part mas practica d'a vida, bien luent d'o romanticismo de Luisa. D'atra man, Atenea ye una locutora de televisión enamorada de Luis, un d'os suyos companyeros de treballo, que ni sisquiera ha parau cuenta de l'amor d'Atenea. Finalment, María José ye una choven polida, cabalera y intelichent que rechira l'amor de verdat y que no troba so que cortechadors que nomás buscan que los suyos diners. Poquet a poquet Sant Valentín s'adedica a solucionar os problemas de toz éls.
Elenco[6] editar
Premios editar
| Premio | Calendata | Edición | Categoría | Premiau | Notas |
|---|---|---|---|---|---|
| Premios d'o Sindicato Nacional del Espectáculo | 1960 | Premio d'o Sindicato Nacional del Espectáculo a la Millor Actriz Segundaria | Conchita Velasco[4] | ||
| 1960 | Premio d'o Sindicato Nacional del Espectáculo a lo Millor Logro Tecnico | El día de los enamorados[5] |
Critica editar
En De Cine 21 comentan que:[7]
En AlohaCriticón Antonio Méndez analiza:[8]
Se veiga tamién editar
Referencias editar
- ↑ 1,0 1,1 (es) Paco Granados: El día de los enamorados (1959).
- ↑ (es) Rodaje de la película "El día de los enamorados", fotografía en Europa Press.
- ↑ (es) El día de los enamorados en La abadía de Berzano.
- ↑ 4,0 4,1 (es) El funeral (PDF) en a web de l'Achuntamiento de Puertollano.
- ↑ 5,0 5,1 (en) El día de los enamorados - Premios en Internet Movie Database.
- ↑ (en) El día de los enamorados en Internet Movie Database.
- ↑ (es) El día de los enamorados (1959) - San Valentín, échame un cable, en De Cine 21.
- ↑ (es) Antonio Méndez: El Dia De Los Enamorados (1959) de Fernando Palacios, en AlohaCriticón.
Vinclos externos editar
- (en) El día de los enamorados en Internet Movie Database.
- (en) / (es) El día de los enamorados en FilmAffinity.
- (en) El día de los enamorados en AllMovie.