Dzhungaria

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A Dzhungaria (d'o mongol züün gar u dzhüün gar  : man ezquierda) ye a partita norte d'o Xinjiang, situata a lo norde d'os Tien Xan (« monts celestes » en mandarín).

A Dzhungaria y a cuenca de Tarim (incluyindo o Desierto d'o Taklamakan) deseparatos por a cordelera d'as Monts Celestes.

Cheografía

A Dzhungaria ye una plataforma sedimentaria. D'una superficie de 380.000 km², ye situata a una altaria compresa entre 189 metros. O suyo cabo sud son os monts Tien Xan, o suyo cabo norte ye l'Altai, a l'este muga con o Desierto de Gobi y s'ubre enta l'ueste sobre o Kazakistán poo as vals d'o Emin y d'o Irtix.

Ye una rechión semidisertica plegando a desertica en o suyo centro (Desierto Dzoosotoyn Elisen).

Poblata por pueblos d'uns cuantos orichens, os mongols oiratos u occidentals yeran a población dominant en a rechión y creyadors d'o Khanato Dzhungaro, que fue conquiesto por l'exercito d'a dinastía Qing, que fació cambeos en a composición etnica de Dzhungaria.

Toponimia

En mongol ye Зүүнгар Züüngar (con s sonora), pero tamién Dzhuun Gar (con o fonema africato /dʒ/ d'a j anglesa y d'a pronunciación valenciana), dependendo d'o dialecto mongol. Significa "man ezquierda" y talment o toponimo tienga l'orichen en a noción d'estar a part ezquierda u occidental cuan en l'antigL'Imperio Mongol os mongols encomenzoron a dividir-sen en occidentals y orientals.

En uigur ye جوڭغار Zhongghar, en pinyin Zhǔngá'ěr y en ruso Джунгария Dzhungariya (o digrafo cirilico дж representa en ampres con o fonema /dʐ/ u /dʒ/). En anglés ye Dzungaria pero historicament tamién s'ha transliterato como Jungaria, Sungaria y Zungaria, en francés ye Dzoungarie u Djoungarie y a principios d'o sieglo XX tamién se transliteraba como Soungarie.