Copenaguen
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Copenaguen ye a ciudat principal y mas antiga d'o Reino de Dinamarca, y la capital d'o estau danés.[1]
| Copenaguen København | |||
| Localidat de Dinamarca | |||
| |||
 Seu d'o concello de Copenaguen | |||
| Estau • Rechión • Comuna |
 DinamarcaCapital Copenaguen (København) | ||
| Superficie | 455 km² | ||
| Población • Total • Densidat |
602481 hab. (2017) 2596 hab/km² | ||
| Altaria • Meyana |
14 m. | ||
| Codigo postal | 1000 | ||
| Coordenadas | |||
| Web oficial | |||
Copenaguen ye a seu d'o Parlamento, d'o Gubierno y d'a Monarquía danesa, institucions ubicatas en o centro d'a ciudat.
Nombre d'a ciudat editar
O nombre autoctono d'a capital danesa, København, procede de l'antigo nombre Købmandshavn, que en danés significa "puerto de mercaders", o que da ideya d'a suya posición estratechica en o mar Baltico.
O nombre d'a ciudat en a mayoría d'idiomas europeus deriva d'a denominación alemana, Kopenhagen. Asinas, l'anglés Copenhagen, o espanyol y francés Copenhague, o catalán Copenhaguen, o italiano Copenaghen u lo portugués Copenhaga.
Cheografía editar
Copenaguen se troba principalment en a costa oriental de l'isla de Zelandia u Sjælland, con una parte d'a ciudat sobre l'isla d'Amager. Enta l'Este, Copenaguen acara l'Øresund, o estreito de mar que desapara Dinamarca de Suecia, y que achunta lo Mar d'o Norte con o Baltico.
En a costa oposata, se troban as ciudaz suecas de Malmö y Landskrona.
O municipio de Copenaguen ye, chunto con o de Frederiksberg y o de Bornholm, un d'os tres que no perteneixen a garra comarca de Dinamarca.
A ciudat de Copenaguen se trestalla en 15 districtos clamatos bydele.
Copenaguen fa tamién parte d'a conoixita como rechión de l'Øresund, que abraca tota la parte oriental d'o Sjælland, en Dinamarca, y la parte occidental de Escania, en Suecia.
Población editar
L'aria metropolitana de Copenaguen, o Hovedstadsområdet, conta con 1.181.239 d'habitadors. D'éls, 528.208 (2010) residen en o municipio de Copenaguen, 96.718 (2010) en o municipio de Frederiksberg, 71.052 (2010) en o municipio de Gentofte y 485.261 en belaltros municipios amanatos.
A rechión de l'Øresund conta, en chunto, con 2.800.000 d'habitadors.
Historia editar
Copenaguen fue fundata probablement ta l'anyo 1000 per Svend I y lo fillo suyo, Canut O Gran. Estió solo que un lugar de pescataires dica la metat d'o sieglo XII, cuan se tornó mas important en prener-ne posesión o bispe Absalón, que la fortificó en 1167. O sobrebuen puerto aduyó ta o creiximiento de Copenaguen, fendo-ne un gran centro de comercio en o norte d'Europa, o que daría o nombre a la ciudat. Ixo tamién contrebuyó a continos ataques per parte d'a Hansa u Ligallo Hanseatico.
De l'anyo 1658 a lo 1659, fue asitiata per os suecos en o reinato de Carlos X. En 1801, os barcos britanicos de l'almirant Parker combatioron contra l'armata danesa en o puerto de Copenaguen en a que se conoix como Batalla de Copenaguen. En 1807, a ciudat sofrió grans danyos y centenars de personas morioron en ser Copenaguen bombardiada con codetes Congreve per parte d'os britanicos a fin que Dinamarca no reblase debant d'a flota de Napoleón.
En a Segunda Guerra Mundial, Copenaguen y Dinamarca entera fueron ocupatas per tropas alemanas entre lo 9 d'abril de 1940 dica lo 4 de mayo de 1945. De l'inte que remató la guerra, a ciudat no ha deixato de creixer.
Dende lo verano de 2000, as ciudaz de Copenaguen e Malmö son comunicatas per un puent de peache, o Puent de l'Øresund, que permite de cruzar de Dinamarca ta Suecia igual per carretera como per ferrocarril. Fue enguerato en chulio de 2000 per o rei Carlos XVI Gustau de Suecia y a reina Margalida II de Dinamarca. En consecuencia, Copenaguen s'ha convertito en lo centro d'un aria metropolitana que abraca las dos nacions.
Bels puestos d'interés editar
- L'Amalienborg Slot u Palacio Amalienborg.
- Bakken (O Tozal, o mas antigo parque d'atraccions en funcionamiento).
- A Ciudat Libre de Christiania.
- Christiansborg Slot u Palacio Christiansborg.
- Frederiks Kirken u Ilesia de Frederico (Tamién dita la Ilesia de Marbre).
- Gefionspringvandet (A fuent Gefion).
- Nationalmuseet u Museu Nacional de Dinamarca.
- O Museu Ny Carlsberg Glyptotek.
- Nyhavn.
- O Rosenborg Slot u Castiello de Rosenborg.
- A estatua d'A Sireneta.
- L'Operahuset i København u Teatro d'Opera de Copenaguen.
- O Tivoli.
- O Københavns Zoo u Zoo de Copenaguen.
Referencias editar
- ↑ (en) Bain, Carolyn; Booth, Michael; Parnell, Fran: Denmark, 2008, Lonely Planet. ISBN 978-1-74104-669-4.
Vinclos externos editar
Se veigan as imáchens de Commons sobre Copenaguen.- Puesto turistico oficial de Copenaguen y redolada. (En danés y anglés)
- Sitio d'o municipio de Copenaguen. (En danés y anglés)
- Puesto d'información sobre Copenaguen y la Rechión de l'Oresund. (En espanyol)
- Sitio d'imáchens de Copenaguen. (En anglés)
- Webcam d'a Plaza d'o Concello. (A imachen s'esviella cada 20 segundos).
