Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A chelifracción u crioclastia ye un tipo de meteorización fisica que consiste en que una roca se creba u esminglana por a conchelación de l'augua que ha entrau en as suyas badas u crepas, producindo un efecto de falca porque l'augua encomienza a conchelar-se en a part externa y contina conchelando-se en l'interior. Como o chelo ocupa un volumen mes gran que l'augua liquida se produce un augmento de presión, que puede plegar a las 2000 Atm, y a roca se creba, podendo-se sentir o esclafiu. Pa que l'efecto de falca siga efectivo o chelo ha de sellar as fracturas pa que l'aire u l'augua liquida no puedan salir-ne y augmente a presión.

Una piedra que s'ha crebau a favor de diferents plans de fractura por a chelifracción en Islandia.

Este proceso ye tipico, pero no exclusivo d'o sistema morfoclimatico periglacial. En a Peninsula Iberica ye frecuent en as arias montanyosas, y estió especialment activo en a zaguera glaciación, cuan en gran part d'estas arias montanyosas bi heba condicions periglacials. Un d'os resultatos d'a chelifracción son as pedrizas, grans acumulacions de piedras a lo piet d'os cinglos y laderas cuasi verticals.

Bibliografía editar