Biquipedia

Casa natal de Francisco de Goya

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Casa natal de Goya
Amvista d'a frontera d'a casa natal
Situación
Coordenatas {{{Coordenadas}}}
País Aragón
Ciudat Fuent de Todos
Información cheneral
Tipo {{{Tipo}}}
Director Elisa Picazo Verdejo
Construcción s. XVIII
Debantadera 1916 (Casa natal)
1989 (Museu d'o Gravato)
Superficie
Horario - 11:00-14:00 y 16:00-19:00 (martes a domingo)
- Luns trancato
Vesitants
Adreza Plaza de Goya, s/n
50142 Fuent de Todos
Telefono 976143830
Pachina web Casa natal de Goya

A Casa natal de Goya ye un edificio que se troba en a localidat de Fuent de Todos (Campo de Belchit), en a cual naixió o pintor aragonés Francisco de Goya o 30 de marzo de 1746. Actualment, y dende l'anyo 1989, ye un museu en o cual se conserva materials, reproduccions d'obras y documentos de Goya, asinas como tamién trastes y muebles d'estilo aragonés.

L'edificio editar

L'edificio ye una casa rural de labradors, con toz os suyos obchectos tradicionals. A frontera y as parez son de mamposteria bien treballada y piedra picata en as cantonadas. En l'interior tién tres plantas, d'as cuals a planta baixa ye compuesta de cuadra, cocina con minchador y una dentrada an bi ha una escalera que puya ta la primer planta, en a cual bi ha una sala de trobar y en os suyos cantos dos cambras. A falsa ye un graner con un teito con dos versants. Antimás a casa tién muebles, trastes, cuadros y documentos d'a epoca.

Historia editar

Ista casa yera propiedat de Miguel Lucientes, chirmán de Gracia Lucientes, mai d'o pintor y d'ascendencia fidalga. Poco dimpués de que a familia Goya s'instalase en a casa debito a o treballo de su pai José Goya, o cual teneba que dorar o retablo mayor d'a ilesia d'o lugar, naixió o famoso pintor. Bellas anyadas dimpués a familia tornará ta Zaragoza.

En l'anyo 1913 o pintor Ignacio Zuloaga y una colla d'artistas zaragozanos identifican a casa, a cual mercan a Benita Aznar Lucientes, una sobrina-fillata de Goya. Mas tardi, en 1928, o Sendicato d'Iniciativas y Propaganda d'Aragón (SIPA) creya una chunta t'a remeranza d'o Centenario d'a muerte de l'artista. Entre os suyos obchectivos ye a conservación d'a casa, t'a o cual mercan a casa contigua.

Desgraciadament mientres a guerra civil, a Casa natal ye parcialment destruyita, por lo que estió esviellata en 1946 por Teodoro Ríos. Posteriorment, en 1981, a Dirección Cheneral de Artes Politas aprebó un nuevo esvielle, d'o cual as obras rematoron en 1985. O 13 de chulio d'ixe anyo estió devantada oficialment, y por un Real Decreto de 1982 estió declarata Molimento Historico Nacional.

Sala Zuloaga editar

A Sala Zuloaga ye un espacio expositivo clavato en a casa contigua a la casa natal y a cual en l'anyo 1917 Ignacio Zuloaga convirtió en escuelas con estieron clamatas con o suyo nombre. Ye una casa tradicional de dos plantas que estió esviellata como sala d'exposicions en os anyos 90 y devantada o 30 de marzo de 1996 con una exposición sobre o pintor basco[1].

Dende ixe inte a sala ye especializata en as Artes graficas, con exposicions d'artistas como: Picasso, Miró, Gordillo, Arroyo, Plensa, Guinovart, Saura, Chillida, Arroyo, Gordillo, Hernández, Hernández Pijoan, Ràfols- Casamada, Víctor Mira, Natalio Bayo, Francisco Pradilla, Ricardo Baroja, Gutiérrez Solana, Manuel Lahoz, Joan Brossa, Flaxman y bels altros.

Referencias editar

  1. ↑ (es) Sala Zuloaga en a pachina web oficial

Veyer tamién editar

Vinclos externos editar

Obteniu de "https://an.wikipedia.org/w/index.php?title=Casa_natal_de_Francisco_de_Goya&oldid=2088841"