Casa d'Azagra
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
La Casa d'Azagra ye una familia d'orichen navarro que prenió lo control de la Taifa d'Albarracín, a on creyoron una Sinyoría d'Albarracín, independient de Castiella y Aragón dica que s'adhibió a la Corona d'Aragón.
Esta familia encomienza con Don Rodrigo, sinyor d'Alcanadre y lo suyo fillo Pero Ruíz, que estió lo primer Azagra afincato en tierras aragonesas y a qui Alifonso II lo Casto nombro en 1177 sinyor de Daroca.
Ya en 1170 heba preso lo control de la Taifa d'Albarracín, que enantes yera de lo rei Lop de la Taifa de Murcia, fortificó la ciudat y la repobló con navarros y riojanos, creyando la Sinyoría d'Albarracín.
Los sinyors d'Albarracín de la Casa d'Azagra estioron:
- 1. Pero Ruíz d'Azagra (h. 1170-h. 1190)
- 2. Ferrando Ruíz d'Azagra (h. 1190-1200)
- 3. Pero Ferrández d'Azagra (1200-antes de 1254)
- 4. Álbar Pérez d'Azagra (antes de 1254-antes de 1281)
- 5 y 6. Teresa Álvarez d'Azagra y Chuan de Lara "Lo Gordo u Lo Gran" (antes de 1281-1283)
La Casa d'Azagra entroncó con la Casa de Lara. A principios de lo sieglo XIV la Casa que teneba mes tierras en lo territorio de la sinyoría adhibita a la Corona yera la Casa d'Heredia, sobretot las brancas familiars ligatas a Álbar Pérez d'Azagra, como los Ferrández d'Heredia.