Avisa a Curro Jiménez
Avisa a Curro Jiménez (títol orichinal d'a cinta, enguerada en Aragón con iste mesmo títol) ye una cinta de l'anyo 1978 de cine espanyol de cine d'aventuras dirichida por Rafael Romero Marchent seguntes un guión orichinal d'Antonio Larreta (encara que basau en os personaches d'a serie de televisión Curro Jiménez, con guión d'o mesmo Antoni Larreta), con una dirección de fotografía de Hans Burmann, una banda sonora orichinal d'Antón García Abril, una producción cinematografica de Guillermo Salamanca ta las productoras Izaro Films y Telecine S.A. y un elenco que se composa, entre d'atros actors, por Sancho Gracia, Ágata Lys, José Sancho, Álvaro de Luna, Eduardo García, Walter Vidarte, Sara Lezana, Alfredo Mayo, Alberto de Mendoza, Lorenzo Ramírez, Julia Lorente, Chiro Bermejo, Francisco Sanz, Fabián Conde, Ángel Álvarez, José Nodar, Miguel Jara y Román Ariznavarreta.
Ye una cinta rodada a consecuencia de l'exito d'a serie de televisión Curro Jiménez, dos anyos dimpués d'o suyo primer episodio.
Cuan en Cordoba se i celebra una subhasta d'obras d'arte, entre los obchectos subhastaus se troba un libro sobre Botanica, u mas exactament meyo libro, porque en bel momento o libro orichinal se desaparó en dos metaz. Ye un libro escrito por un erudito arabe poquet tiampo antis d'a conquiesta de Cordoba por o Reino de Castiella. Por o libro puixan dos personas, Lord Killarney, un representant d'o Museu Britanico, y un anticuario cordobés, pero qui finalment fa la puya ma alta ye lo britanico, quedando lo cordobés una mica decepcionau porque en realidat él ye lo solo que conoix una leyenda que diz que en reunindo las dos parz d'ixe libro se descubrirá un trasoro amagau en a mezquita de Cordoba inmediatament antis d'a dentrada d'os cristians en a ciudat y, amás, él ya poseye l'atra metat d'o libro. Cuan uns bandolers atacan a dilichencia a on viacha lo britanico, el matan y roban o libro, a Policía arresta a l'anticuario, qui demana aduya a lo suyo amigo Curro Jiménez, qui decide investigar sobre l'asumpto.
A cinta s'ambienta en bel momento indeterminau d'o sieglo XIX en a ciudat de Cordoba en Andalucía y las suyas escenas se filmoron en a mezquita de Cordoba y en l'Alcázar d'os Reis Cristians en ixa mesma ciudat, amás d'en o Parque Natural d'o Cañón del Río Lobos en a provincia de Soria.[2]
Elenco[3] editar
| Actor | Papel | Notas |
|---|---|---|
| [[]] | ' |