Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Andrianoplin (Edirne en turco) ye una ciudat de Tracia Oriental (Turquía) que historicament ha tenito muita importancia estratechica por estar una crucillata de camins. O río Tundzha trescruza a ciudat y a man se troba o suyo forcallo con o río Meriç. En l'anyo 2007 teneba uns 136.070 habitants.

Andrianoplin
Edirne
Localidat de Turquía
Estau
 • Provincia
 Turquía
Andrianoplin
Población
 • Total

140830 hab. (2000)
Altaria
 • Meyana

42 m.
Codigo postal 22 000
Coordenadas
Andrianoplin ubicada en Turquía
Andrianoplin
Andrianoplin
Andrianoplin en Turquía
Web oficial

Toponimia editar

En a obra herediana se troba de diferents trazas Andrianopli, Andrianoplin, Andrianopoli y d'atras, totas derivatas d'a forma griega orichinal Adrianopolis, y pareixitas a lo exotoponimo francés Andrianople.

En o "Libro d'os Emperadors":

dita, & fuido en la ciudat de Andrianoplin por diligencia de algunos senyores e nobles

En a "Libro de los fechos et conquistas del principado de la Morea":

vencido el emperador & fuyendo se recullió en Andrianopoli. Et los Catalanes & los Turquos mataron muchos grieguos & fizieron grant preda

Historia editar

A ciudat fue refundata por l'emperador Hadrián sobre a localidat tracia de Uskadama/Uskudama/Uskodama/Uscudama con o nombre de Hadrianopolis, fendo-la capital d'a provincia de Haemimont. D'importancia estrechica, Licinio bi fue derrotato por Constantín I en l'anyo 323 y en l'anyo 378 se produció a batalla d'Andrianoplin entre os romanos y os visigodos, batalla en a que morió l'emperador Valent.

En 1305 Rocher de Flor fue asesinato en Andrianoplin en un banquete que ofreixió o coemperador Miguel IX Paleologo a los almogavars, victimas dimpués d'una mortalera.

Murat I (1360-1389) conquirió Andrianoplin a l'Imperio Bizantín, fendo-ne a suya nueva capital, y dimpués conquirió o sud de Bulgaria. Andrianoplin estió capital de l'Imperio Otomán enantes que Costantinoble.