Alveolo pulmonar
Os alveolos pulmonars son bultos que bi ha en os cabos de l'árbol bronquial (adintro d'os polmons), embolicaus por capilars sanguinios y a on se fa o intercambio gasioso. A existencia d'os alveolos en os polmons d'os mamiferos fa que a superficie d'intercambio gasiosa siga muito més gran que a superficie d'una cambra toracica sin plegos internos y millora a eficacia respiratoria, superficie que en a especie humana plega a bels 70–75 m2. Os capilars sanguinios d'os alveolos son a zaguera ramificación d'as arterias pulmonars y l'encomienzo d'as venas pulmonars. En os capilars sanguinios d'os alveolos o intercambio de gases ye o contrario que en os capilars d'as atras estructuras de l'organismo, y o dioxido de carbonio s'ixemena dende os capilars a los alveolos devez que l'oxicheno d'os alveolos pasa a la sangre por difusión. Os alveolos pulmonars fan part d'os sacos pulmonars.
